ટ્વીશા શર્મા કેસ: 10 દિવસથી ફરાર પતિ સમર્થ સિંહનું જબલપુર કોર્ટમાં સરેન્ડર, પૂર્વ જજ સાસુની વધી મુશ્કેલી

ભોપાલમાં નોઈડાની રહેવાસી ટ્વીશા શર્માના શંકાસ્પદ મોત કેસમાં એક મોટો અને મહત્વનો વળાંક આવ્યો છે. 12 મેની રાત્રે થયેલા આ મોત બાદ છેલ્લા 10 દિવસથી ફરાર પતિ સમર્થ સિંહ આખરે સરેન્ડર કરવા માટે જબલપુર કોર્ટ પહોંચ્યો છે.

કોર્ટમાં શું થયું?

મધ્યપ્રદેશ હાઈકોર્ટમાં સુનાવણી દરમિયાન મુખ્ય આરોપી સમર્થ સિંહના વકીલે તેની આગોતરા જામીન અરજી પાછી ખેંચી લીધી હતી. વરિષ્ઠ વકીલ મૃગેન્દ્ર સિંહે કોર્ટને જણાવ્યું કે સમર્થ ટ્રાયલ કોર્ટમાં સરેન્ડર કરવા માંગે છે. સાથે જ તેમણે એવી વિનંતી કરી હતી કે ટ્રાયલ કોર્ટને તે જ દિવસે તેની જામીન અરજી પર નિર્ણય લેવાનો નિર્દેશ આપવામાં આવે.

દિલ્હી AIIMS માં થશે બીજું પોસ્ટમોર્ટમ

પૂર્વ જજ સાસુને હાઈકોર્ટની નોટિસ અને 46 કોલ્સનું રહસ્ય

આ હાઈ-પ્રોફાઈલ કેસમાં પૂર્વ જજ રહી ચૂકેલા સાસુ ગિરિબાલા સિંહની મુશ્કેલીઓ પણ વધી ગઈ છે. હાઈકોર્ટે તેમની આગોતરા જામીન રદ કરવાની માંગવાળી અરજી પર નોટિસ ફટકારી છે.

પરિવારનો સનસનીખેજ દાવો: ટ્વીશાના પરિવારે દાવો કર્યો છે કે, ટ્વીશાના મોતના બીજા જ દિવસે સાસુ ગિરિબાલાએ 46 પ્રભાવશાળી લોકોને ફોન કર્યા હતા.

જેમાં ન્યાયતંત્ર સાથે જોડાયેલા કેટલાક લોકો અને સંબંધીઓ સામેલ હતા. પરિવાર આ ફોન કોલ્સને લઈને મોટા સવાલો ઉઠાવી રહ્યો છે અને નિષ્પક્ષ તપાસની માંગ કરી રહ્યો છે.

કોણ હતી ટ્વીશા શર્મા? (આપઘાત કે કંઈક બીજું?)

33 વર્ષીય ટ્વીશા શર્મા મૂળ નોઈડાની રહેવાસી હતી. તેણે MBA નો અભ્યાસ કર્યો હતો અને તે દિલ્હીની એક ખાનગી કંપનીમાં નોકરી કરતી હતી. એટલું જ નહીં, લગ્ન પહેલાં તેણે તેલુગુ ફિલ્મો અને મોડેલિંગની દુનિયામાં પણ કામ કર્યું હતું.

એક ડેટિંગ એપ દ્વારા તેની મુલાકાત સમર્થ સિંહ સાથે થઈ હતી. બંને વચ્ચે નિકટતા વધી અને ડિસેમ્બર મહિનામાં પરિવારની સંમતિથી ધામધૂમથી તેમના લગ્ન થયા હતા. પરંતુ લગ્નના માત્ર 5 જ મહિના બાદ બનેલી આ ઘટનાએ આખા મામલાને રહસ્ય અને વિવાદોથી ભરી દીધો છે.

આ પણ વાંચો-PM મોદી સાથે સેલ્ફી લઈને ગેલમાં આવ્યા સાયપ્રસના રાષ્ટ્રપતિ, ભારત અને સાયપ્રસ વચ્ચે 'સ્ટ્રેટેજિક પાર્ટનરશિપ' પર મહોર