Xiaomi 18નો ધડાકો, દુનિયાના સૌથી પાવરફુલ પ્રોસેસર અને 200MP કેમેરા સાથે થશે લોન્ચ, જાણો શું હશે ખાસ

સ્માર્ટફોન કંપની Xiaomi તેના ગ્રાહકો માટે કંઈક મોટું પ્લાન કરી રહી છે. Xiaomi ની આગામી ફ્લેગશિપ સીરીઝ 'Xiaomi 18' ને લઈને મોટા સમાચાર સામે આવ્યા છે. રિપોર્ટ્સનું માનીએ તો, આ ફોન દુનિયાના સૌથી તાકાતવર અને ઝડપી પ્રોસેસર સાથે લોન્ચ થઈ શકે છે. જો તમે હાઈ-પરફોર્મન્સ વાળા ફોનની રાહ જોઈ રહ્યા હોવ, તો આ સમાચાર તમારા માટે છે.

દુનિયાનું સૌથી ફાસ્ટ પ્રોસેસર મળશે?

તાજેતરમાં આવેલી એક લીક મુજબ, Xiaomi 18 સીરીઝમાં Qualcomm Snapdragon 8 Elite Gen 6 Pro ચિપસેટનો ઉપયોગ કરવામાં આવી શકે છે. આ પ્રોસેસર હજુ માર્કેટમાં આવ્યું નથી, પણ તે ટેક્નોલોજીની દુનિયામાં ધૂમ મચાવી શકે છે.

એવું કહેવામાં આવી રહ્યું છે કે આ નવું પ્રોસેસર લેટેસ્ટ 2nm (નેનોમીટર) ટેક્નોલોજી પર કામ કરશે. સરળ ભાષામાં કહીએ તો, આ પ્રોસેસર અગાઉના Snapdragon 8 Elite Gen 5 કરતા 30 થી 40 ટકા વધુ ઝડપી હશે. એટલે કે ફોનની સ્પીડ અને બેટરી લાઈફ બંનેમાં જબરદસ્ત સુધારો જોવા મળશે.

ચીની ટિપ્સ્ટર 'ડિજિટલ ચેટ સ્ટેશન' (DCS) ના દાવા મુજબ, Xiaomi એ આ પાવરફુલ ચિપસેટને પહેલાથી જ રિઝર્વ કરી લીધા છે જેથી પ્રોડક્શનમાં કોઈ મોડું ન થાય. જોકે, આ નવું પ્રોસેસર ઘણું મોંઘું હોઈ શકે છે. જેના કારણે Xiaomi 18 સીરીઝની કિંમત જૂની Xiaomi 17 સીરીઝ કરતા વધારે હોવાની પૂરી શક્યતા છે.

ક્યારે થશે લોન્ચ?

સામાન્ય રીતે ક્વોલકોમ સપ્ટેમ્બર મહિનામાં પોતાની નવી ચિપસેટ લોન્ચ કરે છે. આ ગણતરીએ Xiaomi પણ તહેવારોની સીઝન (Festive Season) ની આસપાસ એટલે કે વર્ષના અંતમાં આ ધાકડ ફોન માર્કેટમાં ઉતારી શકે છે. માનવામાં આવે છે કે કંપની Xiaomi 18 માં સ્ટાન્ડર્ડ મોડલ ઉપરાંત Pro, Pro Max અને Ultra મોડલ પણ રજૂ કરશે.

કેમેરા લવર્સ માટે ખાસ: 200MP ના બે કેમેરા

માત્ર સ્પીડ જ નહીં, ફોટોગ્રાફીમાં પણ આ ફોન રાજા સાબિત થઈ શકે છે. રિપોર્ટમાં દાવો કરવામાં આવ્યો છે કે Xiaomi 18 Pro મોડલમાં 200MP ના બે કેમેરા આપવામાં આવી શકે છે. જેમાં એક મેઈન કેમેરા અને બીજો ટેલિફોટો અથવા પેરીસ્કોપ કેમેરા હોઈ શકે છે.

આ ઉપરાંત, ફોનમાં 6.3 ઈંચની કોમ્પેક્ટ ડિસ્પ્લે હોવાની પણ ચર્ચા છે. હાલમાં જ Oppo એ પણ ડબલ 200MP કેમેરા વાળો ફોન લોન્ચ કર્યો છે, એટલે હવે Xiaomi પણ આ રેસમાં આગળ નીકળવાની તૈયારીમાં છે.

આ પણ વાંચો-વિદેશી કંપનીઓને મોટો ઝટકો: ભારતમાં E-Cigarette પરનો પ્રતિબંધ હટશે નહીં, સરકારે સ્પષ્ટ કહી દીધી ‘ના’