ASEAN-India Summit: ‘21મી સદી એશિયાની સદી છે’ ASEAN-ભારત સમિટમાં PM મોદીનું નિવેદન

ASEAN-India Summit: વડાપ્રધાન નરેન્દ્ર મોદીએ ગુરુવારે આસિયાન નેતાઓની હાજરીમાં કહ્યું કે 21મી સદી એશિયાની છે. પીએમ મોદીએ કહ્યું કે આપણો ઈતિહાસ અને ભૂગોળ ભારત અને આસિયાનને એક કરે છે. સમિટમાં બોલતા પીએમ મોદીએ કહ્યું કે આસિયાન મહત્ત્વનું છે કારણ કે અહીં દરેકનો અવાજ સંભળાય છે. આસિયાન એ વિકાસનું કેન્દ્ર છે, કારણ કે વૈશ્વિક વિકાસમાં આસિયાન મહત્વની ભૂમિકા ભજવે છે. PM મોદી ગુરુવારે સવારે ASEAN-ભારત બેઠક અને પૂર્વ એશિયા સમિટમાં ભાગ લેવા ઇન્ડોનેશિયા પહોંચ્યા હતા. આ દરમિયાન, વડા પ્રધાને વ્યૂહાત્મક રીતે મહત્વપૂર્ણ ક્ષેત્રમાં અન્ય દેશો સાથે ભારતની ભાગીદારી અંગે ચર્ચા કરી.

આસિયાન-ભારત સમિટને સંબોધતા પીએમ મોદીએ કહ્યું, "આસિયાન ક્ષેત્રની વૈશ્વિક વિકાસમાં મહત્વની ભૂમિકા છે. વસુધૈવ કુટુમ્બકમ 'એક પૃથ્વી, એક પરિવાર, એક ભવિષ્ય'. આ ભાવના ભારતની જી-20 અધ્યક્ષતાની થીમ છે. 21મી સદી એશિયાની સદી છે. મને વિશ્વાસ છે કે આજે અમારી વાતચીત ભારત અને આસિયાન ક્ષેત્રના ભવિષ્યને વધુ મજબૂત કરવા માટે નવા સંકલ્પો તરફ દોરી જશે."

તેમણે કહ્યું કે અમારી ભાગીદારી ચોથા દાયકામાં પ્રવેશી રહી છે. હું રાષ્ટ્રપતિ વિડોડોને આ સમિટના અદ્ભુત સંગઠન માટે અભિનંદન આપું છું. આસિયાન સમિટની અધ્યક્ષતા કરવા બદલ તેમને ખૂબ ખૂબ અભિનંદન. પીએમ મોદીએ 20મી આસિયાન-ઈન્ડિયા સમિટ અને 18મી ઈસ્ટ એશિયા સમિટમાં ભાગ લેવા પહેલા ભારતીય ડાયસ્પોરાના સભ્યોને મળ્યા હતા.

ઇન્ડોનેશિયા 'ASEAN' (એસોસિએશન ઑફ સાઉથઇસ્ટ એશિયન નેશન્સ) ના વર્તમાન અધ્યક્ષ તરીકે સમિટનું આયોજન કરી રહ્યું છે. આસિયાનને પ્રદેશમાં સૌથી પ્રભાવશાળી જૂથોમાંનું એક ગણવામાં આવે છે. ભારત અને અમેરિકા, ચીન, જાપાન અને ઓસ્ટ્રેલિયા સહિત અન્ય ઘણા દેશો તેના સંવાદ ભાગીદાર છે.

#WATCH | At the ASEAN-India Summit in Jakarta, Indonesia, Prime Minister Narendra Modi says, "Our history and geography unite India and ASEAN. Along with it, our shared values, regional integration, and our shared belief in peace, prosperity and a multipolar world also unite us.… pic.twitter.com/u7oUNXKqS2

— ANI (@ANI) September 7, 2023

બેઠક બાદ તરત જ વડાપ્રધાન મોદી ભારતીય સમય અનુસાર સવારે 11.45 વાગ્યે દિલ્હી જવા રવાના થશે. ગુરુવારે સાંજે લગભગ 6.45 વાગ્યે દિલ્હી પહોંચશે. બીજા દિવસે, પીએમ મોદી ત્રણ દેશો સાથે મહત્વપૂર્ણ દ્વિપક્ષીય બેઠક કરશે, જેમાં અમેરિકી રાષ્ટ્રપતિ જો બિડેન સાથેની બેઠક પણ સામેલ છે.

જી-20 સમિટ નવી દિલ્હીમાં 9 અને 10 સપ્ટેમ્બરે યોજાવાની છે. વિકાસશીલ અને વિકસિત દેશોની બેઠકમાં અમેરિકી રાષ્ટ્રપતિ જો બિડેન, જાપાનના વડાપ્રધાન ફ્યુમિયો કિશિદા અને બ્રિટનના વડાપ્રધાન ઋષિ સુનાક અને અન્ય નેતાઓ ભાગ લેશે.

આ પણ વાંચો - Janmashtami: રાજ્યભરના કૃષ્ણ મંદિરોમાં જન્માષ્ટમીની ઉજવણી, નંદ ઘેર આનંદ ભયોનો ગુંજી રહ્યો છે નાદ