Balochistan: પાકિસ્તાનમાં બલૂચ વિરૂદ્ધ હિંસાથી અમેરિકા ચિંતિત, સાંસદે કહ્યું- માનવાધિકારોનું થઈ રહ્યું છે ઉલ્લંઘન

Balochistan: અમેરિકન સાંસદ બ્રેડ શેરમેને પાકિસ્તાનના બલૂચિસ્તાનમાં લોકો સામેની હિંસા પર સવાલ ઉઠાવ્યા છે. તેમણે કહ્યું કે પાકિસ્તાને બલૂચિસ્તાનમાં ગુમ થવા અને હત્યાઓ બંધ કરવી જોઈએ. બલૂચિસ્તાન અને સિંઘ પ્રદેશોમાં લોકોને બળજબરીથી ગાયબ કરવાના મુદ્દે ચિંતા વ્યક્ત કરી હતી.

એક કાર્યક્રમમાં યુએસ સાંસદ બ્રેડ શેરમેને કહ્યું કે અમેરિકા ભલે પાકિસ્તાનની આંતરિક બાબતોમાં હસ્તક્ષેપ કરતું નથી, પરંતુ તે ત્યાં થઈ રહેલા માનવાધિકાર ઉલ્લંઘન પર ચૂપ રહી શકે નહીં. તેમણે કહ્યું કે અમે સમગ્ર વિશ્વમાં માનવાધિકારના ઉલ્લંઘનની વિરુદ્ધ છીએ અને પાકિસ્તાનમાં આવા ઉલ્લંઘનો દેખાઈ રહ્યા છે. પાકિસ્તાનમાં માનવાધિકાર ભંગ અંગે કોંગ્રેસ સાંસદની ચિંતાએ પાકિસ્તાનને ખુલ્લું પાડી દીધું છે.

યુએસ કોંગ્રેસમેન બ્રેડ શેરમેને સિંધ ફાઉન્ડેશનના સૂફી લઘારી અને ફાતિમા સાથેની તેમની ચર્ચા સોશિયલ મીડિયા પર શેર કરી છે. તેમણે કહ્યું કે સિંધ પ્રાંતમાં લોકોના ગુમ થવા અને હત્યાના અહેવાલો સામે આવી રહ્યા છે. તેમણે માનવાધિકાર ઉલ્લંઘનનો વિરોધ કરી રહેલા નેતા મેહરંગ બલોચના કેસને ઉજાગર કર્યો છે.

આ પણ વાંચો - Ramdev wax statue: ન્યૂયોર્કમાં મેડમ તુસાદ મ્યુઝિયમમાં લાગશે યોગગુરૂ બાબા રામદેવનું સ્ટેચ્યુ, તૈયાર થવામાં લાગ્યા 6 વર્ષ