Artemis 2 Moon Mission: 50 વર્ષ બાદ ચંદ્રભ્રમણની તૈયારી, નાસાનું આર્ટેમિસ 2 મિશન તૈયાર

Artemis 2 Moon Mission: નાસા 50 વર્ષ બાદ ફરી એકવાર માનવને ચંદ્રની નજીક લઈ જવા તૈયાર છે. 1972ના એપોલો 17 મિશન બાદ પહેલીવાર, આર્ટેમિસ 2 મિશન દ્વારા ચાર અંતરિક્ષ યાત્રીઓ 2026ની 5 ફેબ્રુઆરીએ ચંદ્રની ભ્રમણકક્ષામાં જશે. આ મિશન નાસા અને માનવજાત માટે એક ઐતિહાસિક ક્ષણ હશે, કારણ કે આ પૃથ્વીની લો-ઓરબિટથી આગળની પ્રથમ માનવ મિશન હશે.

આર્ટેમિસ 2: 10 દિવસની ચંદ્રયાત્રા

આ મિશનમાં રીડ વાઇસમેન, વિક્ટર ગ્લોવર, ક્રિસ્ટિન કોચ અને જેરેમી હેન્સેન ઓરિયન સ્પેસક્રાફ્ટ દ્વારા ચંદ્રની ફરતે 10 દિવસની યાત્રા કરશે. આ યાત્રીઓ ચંદ્રની આસપાસ 5000થી 14484 કિલોમીટરનું ભ્રમણ કરશે. નાસાનું સ્પેસ લોન્ચ સિસ્ટમ (SLS) રોકેટ આ મિશન માટે તૈયાર છે અને કેનેડી સ્પેસ સેન્ટરથી લોન્ચ થશે.

મિશનની તૈયારીઓ અંતિમ તબક્કામાં

હીટ શીલ્ડ ટેસ્ટ: પૃથ્વી પર પાછા ફરવાની તૈયારી

ઓરિયન સ્પેસક્રાફ્ટ ચંદ્રની ભ્રમણકક્ષામાં 24 કલાક રહેશે અને વિવિધ ટેસ્ટ હાથ ધરશે. પૃથ્વી પર પાછા ફરતી વખતે, ગ્રેવિટી અને ઘર્ષણને કારણે હીટ શીલ્ડની ટેસ્ટ આવશ્યક છે. 2022માં આર્ટેમિસ 1ની ટેસ્ટ ફ્લાઇટ નિષ્ફળ રહી હતી, જેના કારણે આ ટેસ્ટને વધુ મહત્ત્વ મળ્યું છે.

આર્ટેમિસ 3 માટેનો પાયો

આર્ટેમિસ 2ની સફળતા આર્ટેમિસ 3 મિશન માટે નિર્ણાયક છે, જે માનવને ચંદ્રની સપાટી પર લઈ જશે. ફ્લાઇટ ડિરેક્ટર રિક હેન્ફ્લિંગે જણાવ્યું, “અમે આર્ટેમિસ 2 પર સંપૂર્ણ ભરોસો રાખીએ છીએ, કારણ કે ઘણાં વર્ષોથી અમે તેના પર સતત ટેસ્ટ કર્યાં છે.”

આ મિશન માત્ર નાસા માટે જ નહીં, પરંતુ સમગ્ર માનવજાત માટે એક મહત્ત્વપૂર્ણ પગલું છે. ચંદ્રભ્રમણની આ નવી સફર અંતરિક્ષ સંશોધનના નવા યુગની શરૂઆત કરશે.

આ પણ વાંચો-ભારતની શાંતિ નીતિ: ઈટાલીના PM મેલોનીએ મોદીના નેતૃત્વની કરી પ્રશંસા