Article 370: Article 370 નાબૂદીને પડકારતી અરજીઓ પર સુપ્રીમ કોર્ટ 2 ઓગસ્ટથી કરશે સુનાવણી

Article 370: જમ્મુ અને કાશ્મીરને વિશેષ દરજ્જો આપતી Article 370 નાબૂદ કર્યાના લગભગ ચાર વર્ષ પછી, ભારતના મુખ્ય ન્યાયાધીશ (CJI) DY ચંદ્રચુડની આગેવાની હેઠળની પાંચ જજોની બંધારણીય બેન્ચે કેન્દ્ર સરકારના નિર્ણયને માન્ય રાખ્યો. મંગળવાર, જુલાઈએ પડકારની અરજીઓની સુનાવણી કરી. Article 370 નાબૂદ કરવા અને રાજ્યના બે કેન્દ્રશાસિત પ્રદેશોમાં વિભાજનને પડકારતી IAS અધિકારી શાહ ફૈસલે દાખલ કરેલી એક અરજી સહિતની અરજીઓની સુનાવણી કરી. સમાચાર એજન્સી ANI અનુસાર, સુપ્રીમ કોર્ટની પાંચ જજોની બંધારણીય બેન્ચે કહ્યું છે કે જમ્મુ-કાશ્મીરમાંથી Article 370 હટાવવાને પડકારતી અરજીઓ પર સુનાવણી 2 ઓગસ્ટથી શરૂ થશે.

જમ્મુ અને કાશ્મીરના અગાઉના રાજ્યને વિશેષ દરજ્જો ખતમ કરવાના અને તેને બે કેન્દ્રશાસિત પ્રદેશોમાં વિભાજીત કરવાના 2019ના રાષ્ટ્રપતિના આદેશને પડકારતી અરજીઓનો મામલો લગભગ ચાર વર્ષથી સર્વોચ્ચ અદાલતમાં પેન્ડિંગ છે. જ્યારે માર્ચ 2020માં સુપ્રીમ કોર્ટ સમક્ષ આ મામલો છેલ્લીવાર લિસ્ટેડ કરવામાં આવ્યો હતો, ત્યારે પાંચ જજોની બંધારણીય બેન્ચે આ મુદ્દાને સાત જજની મોટી બેંચને મોકલવા માટે અરજદારોની દલીલને સ્વીકારવાનો ઇનકાર કર્યો હતો.

આ ક્ષેત્રની વિશિષ્ટ સુરક્ષા પરિસ્થિતિનો ઉલ્લેખ કરતા, કેન્દ્રએ જણાવ્યું હતું કે આતંકવાદી-અલગતાવાદી એજન્ડા સાથે જોડાયેલ આયોજિત પથ્થરમારાની ઘટનાઓ 2018માં 1,767 થી ઘટીને 2023 માં શૂન્ય થઈ ગઈ છે. તે જ સમયે, સુરક્ષા કર્મચારીઓની જાનહાનિના મામલામાં 2018ની સરખામણીએ 2022માં 65.9 ટકાનો ઘટાડો થયો છે.

Supreme Court’s five-judge Constitution bench says hearing of a batch of pleas challenging the abrogation from of Article 370 from Jammu and Kashmir will start from August 2. pic.twitter.com/eTJ1oFw9SJ

— ANI (@ANI) July 11, 2023

વર્ષ 2019માં, કેન્દ્રએ 370 રદ કર્યા હતા

વડા પ્રધાન નરેન્દ્ર મોદીની આગેવાની હેઠળની કેન્દ્ર સરકારે 5 મે 2019 ના રોજ જમ્મુ અને કાશ્મીરના અગાઉના રાજ્યનો વિશેષ દરજ્જો રદ કર્યો અને તેને જમ્મુ અને કાશ્મીર અને લદ્દાખના બે કેન્દ્રશાસિત પ્રદેશોમાં વિભાજિત કર્યો. કેન્દ્રએ દલીલ કરી હતી કે ઐતિહાસિક બંધારણીય પગલાથી પ્રદેશમાં અભૂતપૂર્વ પ્રગતિ, સુરક્ષા અને સ્થિરતા આવી છે, જે Article 370 અમલમાં હતી ત્યારે ન હતી.

VIDEO | "The Supreme Court has said that it will take up the petitions on Article 370 from August 2. July 27 is the last date to submit any additional arguments or synopsis relating to the case. The court also said that the affidavit submitted by the government shall not be… pic.twitter.com/nPXBrh4orX — Press Trust of India (@PTI_News) July 11, 2023

એફિડેવિટમાં કહેવામાં આવ્યું છે કે મે 2023માં શ્રીનગરમાં જી-20 ટુરિઝમ વર્કિંગ ગ્રૂપની બેઠક ખીણમાં પર્યટન માટે એક ઐતિહાસિક અવસર હતો. દેશે ગર્વથી વિશ્વ સમક્ષ તેનો નિર્ધાર પ્રદર્શિત કર્યો કે અલગતાવાદી ક્ષેત્રને એવા ક્ષેત્રમાં પરિવર્તિત કરી શકાય છે જ્યાં આંતરરાષ્ટ્રીય મહાનુભાવોને આમંત્રિત કરી શકાય. તેમજ વૈશ્વિક કાર્યક્રમોનું આયોજન કરી શકાય છે. કેન્દ્રએ વધુમાં કહ્યું છે કે સુધારેલ સુરક્ષા પરિદ્રશ્યમાં, કેન્દ્રશાસિત પ્રદેશમાં 1 જાન્યુઆરી, 2022 થી 31 ડિસેમ્બર, 2022 સુધી 1.88 કરોડ પ્રવાસીઓ આવવાની અપેક્ષા છે, જે અત્યાર સુધીની સૌથી વધુ છે.

આ પણ વાંચો - Gold Rate Today: સોના-ચાંદીના ભાવમાં આવ્યો ઉછાળો, અમદાવાદ સહિત દેશના મેટ્રો શહેરોમાં આ રહ્યાં 10 ગ્રામ સોનાના ભાવ