Maruti Alto K10: 2025ની મારુતિની K10 અલ્ટો 6 એરબેગ્સ સાથે થઈ લોન્ચ, જાણો કિંમત

Maruti Alto K10: મારુતિ સુઝુકીએ 6 એરબેગ્સ સાથે Alto K10-2025 લોન્ચ કરી છે. હવે, આ નાની હેચબેક કારના તમામ વેરિઅન્ટમાં 6 એરબેગ્સ મળશે. જોકે, 6 એરબેગ્સ સાથે તેની કિંમતમાં 16,000 રૂપિયાનો વધારો થયો છે. મારુતિ અલ્ટો K10 કુલ આઠ વેરિઅન્ટમાં ઉપલબ્ધ થશે, જેની કિંમત રુપિયા 4.23 લાખથી રુપિયા 6.21 લાખની વચ્ચે હશે. બે AMT વેરિઅન્ટ્સ છે - VXi અને VXi+ - જેની કિંમત અનુક્રમે રુપિયા 5.60 લાખ અને રુપિયા 6.10 લાખ છે. LXi અને VXi સાથે CNG ફ્યુઅલ ઓપ્શન ઉપલબ્ધ છે, જેની કિંમત અનુક્રમે રુપિયા 5.90 લાખ અને રુપિયા 6.21 લાખ છે. અલ્ટો K10 હાલમાં ભારતમાં વેચાણ માટે ઉપલબ્ધ સૌથી સસ્તી કાર છે. તેથી કંપનીએ તેનું અપડેટેડ વર્ઝન લોન્ચ કર્યું છે.

મારુતિ અલ્ટો વેરિઅન્ટની નવી એક્સ-શોરૂમ કિંમત

ALTO K10 STD (O) કિંમત રુપિયા 4.23 લાખ

ALTO K10 VXI (O) કિંમત રુપિયા 5.31 લાખ

ALTO K10 VXI+ (O) કિંમત રુપિયા 5.60 લાખ

ALTO K10 VXI (O) AGS કિંમત રુપિયા 5.81 લાખ

ALTO K10 LXI (O) CNG ની કિંમત રુપિયા 5.90 લાખ

ALTO K10 VXI+ (O) AGS કિંમત રુપિયા 6.10 લાખ

ALTO K10 VXI (O) CNG કિંમત રુપિયા 6.21 લાખ

ફિચર્સ અને સ્પેશિફિકેશન

છ એરબેગ્સ ઉપરાંત, મારુતિની આ સૌથી નાની કારને પાછળના મુસાફરો માટે 3-પોઇન્ટ સીટ બેલ્ટ સાથે પણ અપગ્રેડ કરવામાં આવી છે. ઓફર કરવામાં આવતી અન્ય સિક્યોરિટી ફિચર્સમાં ઇલેક્ટ્રોનિક સ્ટેબિલિટી પ્રોગ્રામ (ESP), રિવર્સ પાર્કિંગ સેન્સર, EBD સાથે ABS અને કોલેપ્સિબલ સ્ટીયરિંગ કોલમનો સમાવેશ થાય છે. વધુમાં, હેચબેકમાં બેક ડોરના ચાઇલ્ડ લોક, એન્જિન ઇમોબિલાઇઝર, હાઇ-સ્પીડ એલર્ટ સિસ્ટમ, ફોર્સ લિમિટર સાથે ફ્રન્ટ સીટ બેલ્ટ પ્રીટેન્શનર્સ, બઝર સાથે સીટ બેલ્ટ રિમાઇન્ડર, હેડલેમ્પ લેવલિંગ અને હાઇ-માઉન્ટેડ સ્ટોપ લેમ્પનો સમાવેશ થાય છે. મારુતિએ અલ્ટો K10ની મ્યુઝિક સિસ્ટમને પણ અપગ્રેડ કરી છે. 7 ઇંચની ટચસ્ક્રીન ઇન્ફોટેનમેન્ટ સિસ્ટમ હવે બેને બદલે ચાર સ્પીકર્સ સાથે આવે છે. હાઇલાઇટ્સમાં કીલેસ એન્ટ્રી, સ્ટીયરિંગ-માઉન્ટેડ કંટ્રોલ્સ, મેન્યુઅલી એડજસ્ટેબલ આઉટસાઇડ રીઅર વ્યૂ મિરર્સ (ORVMs) અને સેમી-ડિજિટલ ઇન્સ્ટ્રુમેન્ટ ક્લસ્ટરનો સમાવેશ થાય છે.

એન્જિન અને પાવર

મારુતિ અલ્ટો K10 માં 1-લિટર નેચરલી એસ્પિરેટેડ ડ્યુઅલજેટ પેટ્રોલ એન્જિન છે જે 67 bhp અને 89 Nm પીક ટોર્ક પ્રોડક્ટ કરે છે. આ એન્જિનને 5-સ્પીડ મેન્યુઅલ અથવા 5-સ્પીડ AMT સાથે જોડી શકાય છે. આ ઉપરાંત, Alto K10ના CNG વેરિઅન્ટમાં પણ એ જ એન્જિન છે, જે 56 bhp અને 82 Nm ટોર્ક આપે છે. CNG વર્ઝનમાં, Alto K10 ખાસ કરીને 5-સ્પીડ મેન્યુઅલ ટ્રાન્સમિશન સાથે જોડાયેલું છે. CNG વેરિઅન્ટમાં Idle Engine Start/Stop ટેક્નોલોજીનો પણ સમાવેશ થાય છે.

આ પણ વાંચો - 700 કરોડનો વધુ એક IPO લાઇનમાં, 210 કરોડના નવા શેર કરવામાં આવશે ઇશ્યૂ