Apache choppers: ભારતીય સેનાની તાકાત વધશે! બોઇંગે શરૂ કર્યું અપાચે હેલિકોપ્ટરનું પ્રોડક્શન, આવતા વર્ષે થશે ડિલિવરી

Apache choppers: અમેરિકન એરોસ્પેસ કંપની બોઇંગના જણાવ્યા પ્રમાણે ભારતીય સેનાને સપ્લાય કરવા માટે અપાચે હેલિકોપ્ટરનું પ્રોડક્શન શરૂ કરી દીધું છે. કંપની કુલ છ AH-64E અપાચે હેલિકોપ્ટર (AH-64E અપાચે ચોપર્સ) ભારતીય સેનાને સોંપશે. AH-64E અપાચે વિશ્વના સૌથી એડવાન્સ મલ્ટી-રોલ કોમ્બેટ હેલિકોપ્ટરમાંથી એક છે. કંપનીએ કહ્યું કે બોઇંગે મેસા, એરિઝોનામાં ભારતીય સેનાને સોંપવામાં આવનાર અપાચે હેલિકોપ્ટરનું પ્રોડક્શન શરૂ કરી દીધું છે.

બોઇંગ ઇન્ડિયાના પ્રમુખ સલિલ ગુપ્તેએ જણાવ્યું હતું કે બોઇંગ ભારતની સંરક્ષણ ક્ષમતાઓને ટેકો આપવા માટે વધુ એક મહત્વપૂર્ણ સીમાચિહ્ન હાંસલ કરીને ખુશ છે. તેમણે કહ્યું કે AH-64ની એડવાન્સ ટેકનોલોજી અને સાબિત પ્રદર્શન ભારતીય સેનાની ઓપરેશનલ સજ્જતા અને તેની સંરક્ષણ ક્ષમતાઓને વધુ મજબૂત બનાવવામાં મદદ કરશે.

બોઇંગ ઇન્ડિયાના વડા સલિલ ગુપ્તેએ જણાવ્યું હતું કે, “ભારતની સંરક્ષણ ક્ષમતાઓને ટેકો આપવા માટે બોઇંગની અતૂટ પ્રતિબદ્ધતામાં વધુ એક મહત્વપૂર્ણ સીમાચિહ્ન હાંસલ કરીને અમને આનંદ થાય છે. તેમણે કહ્યું કે AH-64Eની એડવાન્સ ટેકનોલોજી અને પ્રદર્શન ભારતીય સેનાની સંરક્ષણ ક્ષમતાઓને મજબૂત બનાવશે.

આપને જણાવી દઈએ કે વર્ષ 2020માં બોઈંગે ભારતીય વાયુસેનાને 22 ઈ-મોડલ અપાચેસની સફળ ડિલિવરી પૂરી કરી હતી. ત્યારબાદ, ભારતીય સેના માટે છ AH-64E ના પ્રોડક્શન માટે કરાર પર હસ્તાક્ષર કરવામાં આવ્યા હતા, જેની ડિલિવરી 2024 માટે નિર્ધારિત હતી.

કંપનીના એક અધિકારીએ જણાવ્યું હતું કે AH-64E વિશ્વનું પ્રીમિયર એટેક હેલિકોપ્ટર છે. તેમણે કહ્યું કે AH-64E હેલિકોપ્ટરમાં અનોખી ફાયરપાવર છે. અધિકારીએ કહ્યું કે અમે તેને ભારતીય સેનાને સોંપવા માટે ઉત્સાહિત છીએ.

આ પણ વાંચો-Go First: છેલ્લા બે અઠવાડિયામાં ગો ફર્સ્ટના 150થી વધુ કર્મચારીઓએ આપ્યું રાજીનામું, અન્ય સ્ટાફ પણ છોડી શકે છે એરલાઇન