દેશનું વિદેશી મુદ્રા ભંડાર 670 બિલિયન ડોલરને પાર, 4 બિલિયન ડૉલરનો થયો વધારો

દેશના વિદેશી મુદ્રા ભંડારમાં ચાર અબજ ડોલરનો વધારો થયો છે અને તે પ્રથમ વખત 670 અબજ ડોલરને પાર કરી ગયો છે. ત્રણ અઠવાડિયામાં તેમાં 18 અબજ ડોલરથી વધુનો વધારો થયો છે. શુક્રવારે રિઝર્વ બેન્ક દ્વારા જાહેર કરાયેલા ડેટા દર્શાવે છે કે 19 જુલાઈના રોજ પૂરા થતા સપ્તાહમાં વિદેશી મુદ્રા ભંડાર ચાર અબજ ડોલર વધીને 670.86 અબજ ડોલર પર પહોંચી ગયો છે, જે તેની ઐતિહાસિક સર્વોચ્ચ સપાટી છે.

ફોરેન કરન્સી એસેટ, ફોરેન એક્સચેન્જ રિઝર્વનો સૌથી મોટો ઘટક, $2.58 બિલિયન વધીને $588.05 બિલિયન રહી. રિઝર્વ બેન્કના સોનાના ભંડારમાં વધારો કરવાના સતત પ્રયાસો વચ્ચે, દેશના સોનાના ભંડારમાં $1.33 બિલિયનનો વધારો થયો અને તે $59.99 બિલિયન નોંધાયો. SDR $95 મિલિયન વધીને $18.21 બિલિયન થયું છે. જ્યારે, IMF પાસે અનામત $4.61 બિલિયન પર સ્થિર છે.

અગાઉ 12 જુલાઈના રોજ પૂરા થયેલા સપ્તાહ દરમિયાન વિદેશી મુદ્રા ભંડારમાં $9.7 બિલિયનનો જબરદસ્ત વધારો થયો હતો. 5 જુલાઈના રોજ પૂરા થયેલા સપ્તાહમાં વિદેશી મુદ્રા ભંડારમાં $5.16 અબજનો વધારો થયો હતો. આમ, ત્રણ સપ્તાહમાં દેશના વિદેશી મુદ્રા ભંડારમાં 18.86 અબજ ડોલરનો વધારો થયો છે. વિદેશી મુદ્રા ભંડાર દેશના અર્થતંત્રનું મહત્વનું સૂચક છે. પર્યાપ્ત વિદેશી મુદ્રા સાથે, જો જરૂર પડે તો તે રૂપિયાને ટેકો આપી શકે છે. વિદેશી લોનના હપ્તાઓની ચુકવણી અને આયાત વધારવી સરળ બને છે.

આ પણ વાંચો - BSNLની ગજબની ઓફર, 160 દિવસ માટે સસ્તા પ્લાનમાં 320GB ડેટા ઉપલબ્ધ