Global Debt: દુનિયાનો સૌથી વધુ દેવાદાર દેશ કયો? જાણો ભારત કયા નંબર પર અને કેટલું છે દેવું?

Global Debt: શું તમને ખબર છે કે દુનિયાની તમામ સરકારો અત્યારે ભારે આર્થિક સંકટ અને દેવાના બોજ હેઠળ દબાયેલી છે? Global Debt એટલે કે વૈશ્વિક દેવું અત્યારે તેના રેકોર્ડ સ્તરે પહોંચી ગયું છે. જાન્યુઆરી 2026ના ડેટા અને ઈકોનોમિક સર્વે 2025-26ના આંકડા જોઈએ તો મોટાભાગની મોટી અર્થવ્યવસ્થાઓ ચિંતામાં મુકાઈ ગઈ છે.

યુદ્ધ, વધતી વસ્તી અને કલ્યાણકારી યોજનાઓ પાછળ થતા ખર્ચના કારણે દેશો પર દેવું વધી રહ્યું છે. ત્યારે સામાન્ય જનતાના મનમાં સવાલ થાય કે આખરે કયા દેશ પર સૌથી વધુ ઉધાર છે અને આ લિસ્ટમાં ભારત કયા સ્થાને છે? ચાલો વિગતે જાણીએ.

સૌથી વધુ દેવું કોના માથે?

તમને જાણીને નવાઈ લાગશે કે દુનિયાનો સૌથી શક્તિશાળી દેશ ગણાતું અમેરિકા (USA) કરજના મામલે પહેલા નંબરે છે. અમેરિકાનું કુલ સરકારી દેવું અંદાજે 38.3 Trillion Dollar (ટ્રિલિયન ડોલર) છે. સરળ ભાષામાં કહીએ તો આખી દુનિયાના કુલ જાહેર દેવાનો લગભગ ત્રીજો ભાગ માત્ર અમેરિકાના માથે છે. લશ્કરી ખર્ચ અને બજેટ ખાધના કારણે અમેરિકા સતત ઉધાર લેતું રહે છે.

અમેરિકા પછી બીજા નંબરે ચીન આવે છે. ચીન પર અંદાજે 18.7 Trillion Dollar નું દેવું છે. ચીનમાં ઇન્ફ્રાસ્ટ્રક્ચર અને સ્થાનિક સરકારોના ખર્ચના કારણે આ દેવું વધ્યું છે. જ્યારે ત્રીજા નંબરે જાપાન છે, જેના પર 9.8 Trillion Dollar નું કરજ છે.

યુરોપના દેશોની વાત કરીએ તો, યુનાિટેડ કિંગડમ (UK) પર 4.1 Trillion Dollar, ફ્રાન્સ પર 3.9 Trillion Dollar અને ઈટાલી પર 3.5 Trillion Dollar નું દેવું છે.

ભારત કયા નંબર પર છે?

હવે વાત કરીએ આપણા દેશની. કુલ સરકારી દેવાના આંકડા જોઈએ તો ભારત દુનિયામાં 7મા સ્થાને છે. ભારતનું કુલ દેવું અને જવાબદારીઓ લગભગ 3.8 Trillion Dollar હોવાનો અંદાજ છે. જોકે, માત્ર દેવાના આંકડાથી ડરવાની જરૂર નથી, કારણ કે અર્થશાસ્ત્રમાં 'Debt to GDP Ratio' (દેવું અને જીડીપીનો ગુણોત્તર) વધુ મહત્વનો હોય છે.

Debt to GDP રેશિયો અને ભારતની મજબૂતી

દેવું અને જીડીપીના રેશિયોની વાત કરીએ તો સુદાન જેવી અર્થવ્યવસ્થા સૌથી વધુ તણાવમાં છે, જ્યાં આ રેશિયો 221% થી 252% વચ્ચે છે. જાપાન જેવી મોટી અર્થવ્યવસ્થામાં પણ આ રેશિયો 237% જેટલો ઊંચો છે.

તેની સામે ભારતની સ્થિતિ ઘણી સારી છે:

ભારતનો Debt to GDP રેશિયો લગભગ 81.9% છે.

આ મામલે ભારત દુનિયામાં 31 થી 35મા સ્થાનની વચ્ચે આવે છે.

સરકારે 2031 સુધીમાં આ રેશિયો ઘટાડીને 50% સુધી લઈ જવાનો લક્ષ્યાંક રાખ્યો છે.

ભારત માટે સૌથી મોટી રાહતની વાત

ભારતના દેવા અંગે એક ખૂબ જ સકારાત્મક બાબત એ છે કે આપણું 95% થી વધુ દેવું ઘરેલુ (Domestic) છે. એટલે કે આપણે વિદેશીઓ પાસેથી વધુ પૈસા નથી લીધા. આપણી કુલ જવાબદારીઓમાં વિદેશી દેવું 5% કરતા પણ ઓછું છે. આના કારણે ભારતીય કરન્સી અને અર્થવ્યવસ્થા પર બાહ્ય જોખમ ખૂબ જ ઓછું રહે છે.

આ પણ વાંચો-Religare Enterprisesમાં મોટો ફેરફાર: ફાઇનાન્શિયલ અને ઈન્શ્યોરન્સ બિઝનેસ અલગ થશે, શેરહોલ્ડર્સને લોટરી લાગશે? જાણો વિગત