Weather Alert: દિલ્હીથી ગુજરાત-યુપી સુધી આજે ભારે વરસાદનું તાંડવ, IMDએ આ 3 રાજ્યોમાં આપ્યું 'રેડ એલર્ટ', જાણો લેટેસ્ટ હવામાન

Weather Alert: હાલમાં દેશભરમાં ચોમાસું પોતાની પૂરી તાકાત સાથે સક્રિય છે અને જનજીવન પર તેની વ્યાપક અસર જોવા મળી રહી છે. ઓડિશા, ઝારખંડ અને છત્તીસગઢમાંથી ઉદભવેલા 'ડીપ ડિપ્રેશન' ની અસરથી પૂર્વ અને મધ્ય ભારતમાં વરસાદનું જોર વધ્યું છે.

ભારતીય હવામાન વિભાગએ 29 જુલાઈ માટે નવું વેધર બુલેટિન બહાર પાડીને મોટી ચેતવણી આપી છે. દિલ્હી, ઉત્તર પ્રદેશ, મધ્ય પ્રદેશથી લઈને દક્ષિણ ભારત સુધીના અનેક રાજ્યોમાં મૂશળધાર વરસાદનું તાંડવ જોવા મળી શકે છે. દેશના 20 થી વધુ રાજ્યોમાં આજના દિવસ માટે ભારે વરસાદ અને ગાજવીજ સાથે તોફાનનું એલર્ટ આપવામાં આવ્યું છે.

આ 3 રાજ્યોમાં અત્યંત ભારે વરસાદનું 'રેડ એલર્ટ'

હવામાન વિભાગના જણાવ્યા અનુસાર, નીચેના ત્રણ રાજ્યોમાં 21 સેન્ટીમીટર કે તેથી વધુ વરસાદ પડવાની પ્રબળ સંભાવના છે, જેના માટે પ્રશાસને લોકોને એલર્ટ રહેવા સૂચના આપી છે.

પૂર્વ મધ્ય પ્રદેશ

વિદર્ભ (મહારાષ્ટ્ર)

દિલ્હી, પંજાબ અને પહાડી વિસ્તારોમાં ભારે વરસાદની આગાહી

દિલ્હી-NCR: દિલ્હી, હરિયાણા અને ચંદીગઢમાં આજે આખો દિવસ ગાજવીજ સાથે મૂશળધાર વરસાદ ચાલુ રહેવાની સંભાવના છે. પંજાબના અનેક વિસ્તારોમાં પણ ભારેથી અતિ ભારે વરસાદ પડી શકે છે.

પહાડી રાજ્યો: હિમાચલ પ્રદેશ અને ઉત્તરાખંડના સંવેદનશીલ વિસ્તારોમાં ભારે વરસાદના કારણે ભૂસ્ખલનનો મોટો ખતરો તોળાઈ રહ્યો છે.

અન્ય રાજ્યો: પશ્ચિમ મધ્ય પ્રદેશ, ઓડિશા, નાગાલેન્ડ, મણિપુર, મિઝોરમ અને ત્રિપુરામાં પણ ભારે વરસાદની ચેતવણી આપવામાં આવી છે.

યુપી, રાજસ્થાન અને દક્ષિણ ભારતમાં કેવું રહેશે હવામાન?

દેશના અન્ય ભાગોમાં પણ આજે હળવાથી મધ્યમ અને અમુક જગ્યાએ ભારે વરસાદની આગાહી છે.

ઉત્તર ભારત: ઉત્તર પ્રદેશ, પૂર્વોત્તર રાજસ્થાન અને જમ્મુ-કાશ્મીર-લદ્દાખ

પૂર્વ ભારત: ઝારખંડ, અરુણાચલ પ્રદેશ, આસામ અને મેઘાલય

પશ્ચિમ અને મધ્ય ભારત: કોંકણ અને ગોવા, મધ્ય મહારાષ્ટ્ર અને મરાઠવાડા

દક્ષિણ ભારત: દરિયાકાંઠાના આંધ્ર પ્રદેશ, તેલંગાણા, કર્ણાટક, કેરળ અને માહે

વાવાઝોડા, વીજળી અને 50 kmphની ઝડપે ફૂંકાશે પવન

વરસાદની સાથે સાથે આજે ભારે પવન અને આકાશી વીજળી પડવાનો મોટો ખતરો છે.ગુજરાત, આંધ્ર પ્રદેશ, કોંકણ-ગોવા, મહારાષ્ટ્ર, કર્ણાટક અને તમિલનાડુના કેટલાક વિસ્તારોમાં ભારે પવન સાથે વીજળી પડવાની સંભાવના છે. બિહાર, પશ્ચિમ બંગાળ, જમ્મુ-કાશ્મીર, રાજસ્થાન, મધ્ય પ્રદેશ અને ઓડિશા સહિતના રાજ્યોમાં પણ ગાજવીજ અને પવનનું જોર રહેશે.