‘જોયું અને ખરીદી લીધુ આ કોઇ ફ્રિજ કે વોશિંગ મશીન નથી’... વાયુસેનાના વડાએ અમેરિકા પાસેથી F-35 વિમાનની ખરીદી પર કરી આ વાત

વાયુસેનાના વડા એર માર્શલ એપી સિંહે અમેરિકા પાસેથી F-35 ફાઇટર એરક્રાફ્ટ ખરીદવાની શક્યતા પર મોટું નિવેદન આપ્યું છે. તેમણે કહ્યું કે અમેરિકાએ હજુ સુધી કોઈ ઔપચારિક પ્રસ્તાવ મોકલ્યો નથી. એક કોન્ક્લેવમાં બોલતા, એર માર્શલ એપી સિંહે કહ્યું, 'ભારતીય વાયુસેનાએ હજુ સુધી F-35 વિમાનનું વિશ્લેષણ કર્યું નથી અને તેની કિંમત પણ એક મહત્વપૂર્ણ પાસું છે. આ કોઈ ફ્રિજ કે વોશિંગ મશીન નથી જેને તમે જોઈ શકો અને ખરીદી શકો. હકીકતમાં, જ્યારે વડા પ્રધાન નરેન્દ્ર મોદી તાજેતરમાં અમેરિકાની મુલાકાતે આવ્યા હતા, ત્યારે રાષ્ટ્રપતિ ડોનાલ્ડ ટ્રમ્પે ભારતને F-35 સ્ટીલ્થ ફાઇટર જેટ વેચવાની ઓફર કરી હતી. હવે ભારતીય વાયુસેનાના વડા એર માર્શલ એપી સિંહે આ અંગે મોટું નિવેદન આપ્યું છે. તેમણે કહ્યું કે અમેરિકાએ હજુ સુધી આ વિમાન અંગે કોઈ ઔપચારિક પ્રસ્તાવ આપ્યો નથી. તેમણે ભારતને નવી ટેકનોલોજી અપનાવવા અને તેના પાંચમી જનરેશનના ફાઇટર એરક્રાફ્ટ 'એડવાન્સ્ડ મીડિયમ કોમ્બેટ એરક્રાફ્ટ' (AMCA)ના ડેવલપમેન્ટને વેગ આપવા માટે પણ હિમાયત કરી. તેમણે કહ્યું કે ભારતે તેની તાત્કાલિક જરૂરિયાતો પૂરી કરવા માટે તૈયાર ફાઇટર જેટ ખરીદવા પડી શકે છે કારણ કે ચીન પહેલેથી જ છઠ્ઠી જનરેશનના ફાઇટર જેટનું પર્ફોમન્સ કરી રહ્યું છે.

વાયુસેનાના વડા એર માર્શલ એપી સિંહે કહ્યું આપણે આપણી જરૂરિયાતો શું છે તેનું કાળજીપૂર્વક વિશ્લેષણ કરવું પડશે. F-35 વિમાનની કિંમત પણ મહત્વપૂર્ણ છે. આ કોઈ વોશિંગ મશીન કે રેફ્રિજરેટર નથી કે જેને તમે ફક્ત એટલા માટે ખરીદો છો કે તમને તે દેખાય છે અને ગમે છે. અમે હજુ સુધી તેના પર કોઈ વિચાર કર્યો નથી. હજુ સુધી કોઈ પ્રસ્તાવ આવ્યો નથી. F-35 ખરીદતા પહેલા, તેની ક્ષમતાઓ અને કિંમતનું સંપૂર્ણ મૂલ્યાંકન કરવું જોઈએ.

અમેરિકા સાથે ભારતની ડિફેન્સ ડીલ

14 ફેબ્રુઆરીએ ભારત અને અમેરિકાએ આગામી 10 વર્ષ માટે સંરક્ષણ કરાર પર હસ્તાક્ષર કર્યા. દરમિયાન, રાષ્ટ્રપતિ ટ્રમ્પે F-35 જેવા લશ્કરી સાધનોનું વેચાણ વધારવાનું વચન આપ્યું હતું. જોકે, વાયુસેનાના વડાએ કહ્યું કે ભારતને તેની તાત્કાલિક જરૂરિયાતો પૂરી કરવા માટે તૈયાર ફાઇટર જેટ ખરીદવા પડી શકે છે. તેમણે ચીન દ્વારા છઠ્ઠી જનરેશનના ફાઇટર એરક્રાફ્ટના પર્ફોમન્સનો ઉલ્લેખ કર્યો. ભારતનું પોતાનું પાંચમી જનરેશનનું ફાઇટર એરક્રાફ્ટ, AMCA, હજુ પણ વિકાસના તબક્કામાં છે. તે 2035 સુધીમાં વાયુસેનામાં જોડાય તેવી અપેક્ષા છે.