જો આજે એપ્લાય કરશો તો 179 વર્ષ પછી મળશે અમેરિકાનું ગ્રીન કાર્ડ, ભારતીય પ્રોફેશનલ્સ માટે આવ્યો ડરામણો રિપોર્ટ

US Green Card Waiting Time for Indians: જો તમે પણ અમેરિકામાં સ્થાયી થવાનું અને એમ્પ્લોયમેન્ટ-બેઝ્ડ ગ્રીન કાર્ડ મેળવવાનું સપનું જોઈ રહ્યા છો, તો આ સમાચાર તમારા હોશ ઉડાવી દેશે. અમેરિકાની જાણીતી થિંક-ટેન્ક નેશનલ ફાઉન્ડેશન ફોર અમેરિકન પોલિસીના એક લેટેસ્ટ રિપોર્ટમાં અત્યંત ચોંકાવનારો ખુલાસો થયો છે. આ રિપોર્ટ મુજબ, જો કોઈ ભારતીય પ્રોફેશનલ જાન્યુઆરી 2026 અથવા તે પછી ગ્રીન કાર્ડ માટે અરજી કરે છે, તો તેને આ કાર્ડ મેળવવા માટે 179 વર્ષ જેટલી લાંબી રાહ જોવી પડી શકે છે.

અમેરિકાના અત્યંત કડક ઇમિગ્રેશન નિયમો અને પેન્ડિંગ પડેલી લાખો અરજીઓના પહાડને કારણે આ ભયાનક સ્થિતિ ઉભી થઈ છે. ચાલો સરળ ભાષામાં સમજીએ કે આ બેકલોગનું ગણિત શું છે અને શા માટે ભારતીયોને આટલો લાંબો સમય રાહ જોવી પડશે.

વેઇટિંગ લિસ્ટમાં 79 ટકા માત્ર ભારતીયો

NFAP ના આંકડા મુજબ, ડિસેમ્બર 2025 સુધીમાં અમેરિકામાં એમ્પ્લોયમેન્ટ-બેઝ્ડ ગ્રીન કાર્ડનો બેકલોગ 12 લાખનો આંકડો પાર કરી જશે. આશ્ચર્યની વાત એ છે કે આ 12 લાખ અરજીઓમાંથી લગભગ 10 લાખ અરજદારો માત્ર ભારતમાંથી છે. તેનો સીધો અર્થ એ છે કે, ગ્રીન કાર્ડની લાઇનમાં ઉભેલા કુલ લોકોમાંથી 79 ટકા હિસ્સો માત્ર ભારતીયોનો છે.

શા માટે સર્જાયું આ 179 વર્ષનું ચક્રવ્યૂહ?

આટલા લાંબા વેઇટિંગ પાછળ અમેરિકન કોંગ્રેસ દ્વારા વર્ષો પહેલા બનાવવામાં આવેલા બે મુખ્ય નિયમો જવાબદાર છે. અમેરિકામાં દર વર્ષે રોજગાર આધારિત માત્ર 1,40,000 ગ્રીન કાર્ડ જ ઈશ્યુ કરવાની મર્યાદા છે. આ નિયમ છેક વર્ષ 1990 માં નક્કી કરવામાં આવ્યો હતો. અમેરિકાના કાયદા મુજબ, કોઈપણ એક દેશના અરજદારોને કુલ ગ્રીન કાર્ડમાંથી 7 ટકાથી વધુ ગ્રીન કાર્ડ મળી શકે નહીં. પછી ભલે તે દેશની વસ્તી ગમે તેટલી વધારે હોય કે ત્યાંથી ગમે તેટલા લાયક અરજદારો કેમ ન આવતા હોય.

આંકડાઓથી સમજો કેવી રીતે વધતો ગયો બેકલોગ