ISROની મહત્વાકાંક્ષી યોજના: સૌથી વજનદાર સેટેલાઇટ લૉન્ચ પછી માર્ચ 2026 સુધીમાં 7 મિશન કરશે પૂરા

ISRO missions: ભારતીય અંતરિક્ષ સંશોધન સંસ્થા (ISRO)એ તાજેતરમાં LVM3 રોકેટની મદદથી સૌથી વજનદાર સેટેલાઇટનું સફળ લૉન્ચ કર્યું છે. આ સફળતા પછી ISROએ વધુ ઝડપથી કામ શરૂ કરી દીધું છે. તેઓ માર્ચ 2026 પહેલાં 7 મહત્વના મિશન પૂરા કરવાની યોજના બનાવી છે. આ મિશનમાં માનવ અંતરિક્ષ યાત્રા, સેટેલાઇટ લૉન્ચ અને રોકેટ ટેસ્ટિંગનો સમાવેશ થાય છે. આનાથી ભારત અંતરિક્ષ ક્ષેત્રમાં મોટું પગલું ભરશે.

આ 7 મિશન કયા છે અને તેનું મહત્વ શું છે?

1) G1 મિશન: આ ગગનયાન પ્રોગ્રામનું પહેલું ટેસ્ટ ફ્લાઇટ છે. અહીં ક્રૂ વગરની ફ્લાઇટ ટેસ્ટ કરાશે. ક્રૂ મોડ્યુલ, જીવન સપોર્ટ સિસ્ટમ અને પૃથ્વી પર પાછા ફરવાની ક્ષમતા તપાસાશે. માનવને અંતરિક્ષમાં મોકલતા પહેલાં આ ટેસ્ટ જરૂરી છે.

2) G2 મિશન: G1ની સફળતા પછી બીજું ક્રૂ વગરનું ટેસ્ટ થશે. ક્રૂની સુરક્ષા માટે સુધારા કરાશે, નવી ટેકનોલોજી ઉમેરાશે અને ફ્લાઇટની વિશ્વસનીયતા તપાસાશે.

3) G3 મિશન: G2 પછી ત્રીજું ક્રૂ વગરનું ટેસ્ટ થશે. આમાં ક્રૂ સાથે મિશન લૉન્ચ કરવા માટેની તૈયારી તપાસાશે.

4) ગગનયાન મિશન: ત્રણ ટેસ્ટ પછી અંતિમ મિશનમાં અંતરિક્ષયાત્રીઓને પૃથ્વીની નીચી કક્ષામાં મોકલાશે. તેઓ 3 દિવસ સુધી ભ્રમણ કરશે. આ ભારતનું પહેલું માનવ અંતરિક્ષ મિશન હશે, જે અમેરિકા, રશિયા અને ચીન જેવા દેશો સાથે ભારતને જોડશે.

5) SSLV-D3 મિશન: સ્મોલ સેટેલાઇટ લોન્ચ વ્હિકલનું ત્રીજું ડેવલપમેન્ટલ ફ્લાઇટ. નાના સેટેલાઇટને ઓછા ખર્ચે લૉન્ચ કરવા માટે છે. તેની દિશા બદલવાની ક્ષમતા અને યુદ્ધ સમયે ઉપયોગ તપાસાશે.