IMD Weather Update : થોડા દિવસના વિરામ બાદ દેશના અનેક રાજ્યોમાં મેઘરાજા ફરીથી મહેરબાન થવા જઈ રહ્યા છે. ભારત હવામાન વિજ્ઞાન વિભાગની લેટેસ્ટ આગાહી મુજબ, 9 થી 15 ઓગસ્ટ સુધી ઉત્તર ભારતથી લઈને પશ્ચિમ અને દક્ષિણ ભારતમાં ભારેથી અતિ ભારે વરસાદની શક્યતા છે. રાજધાની દિલ્હીમાં પણ ચોમાસાનો વરસાદ સતત ચાલુ રહેશે.
મેઘરાજા ફરી ધડબડાટી બોલાવશે, 15 ઓગસ્ટ સુધી આ રાજ્યોમાં ભારે વરસાદનું એલર્ટ, જાણો ગુજરાત અને દેશના હવામાનની લેટેસ્ટ અપડેટ
હવામાન વિભાગ દ્વારા 15 ઓગસ્ટ સુધી ગુજરાત, દિલ્હી સહિત દેશના વિવિધ રાજ્યોમાં ભારે વરસાદનું એલર્ટ જાહેર કરાયું છે. 13 ઓગસ્ટથી ચોમાસું વધુ રૌદ્ર સ્વરૂપ ધારણ કરશે. જાણો તમારા વિસ્તારના હવામાનની સચોટ માહિતી.
અપડેટેડ 04:03:46 PM Aug 09, 2026 પર
ગુજરાતના લોકો માટે પણ સારા સમાચાર છે. 10 થી 12 ઓગસ્ટ દરમિયાન રાજ્યમાં વરસાદનું જોર વધશે. ખાસ કરીને 11 ઓગસ્ટના રોજ ગુજરાતના કેટલાક વિસ્તારોમાં ભારે વરસાદ ખાબકી શકે છે.
13 ઓગસ્ટથી કેમ બદલાશે વાતાવરણ?
હવામાન વિભાગના જણાવ્યા અનુસાર, સૌથી મોટો ફેરફાર 13 ઓગસ્ટની આસપાસ જોવા મળશે. 11 ઓગસ્ટના રોજ બંગાળની ખાડી અને પશ્ચિમ બંગાળ-બાંગ્લાદેશના દરિયાકાંઠે એક સાયક્લોનિક સર્ક્યુલેશન બનવાની સંભાવના છે. જેના પરિણામે 13 ઓગસ્ટની આસપાસ લો-પ્રેશર સિસ્ટમ બનશે. આ સિસ્ટમની સીધી અસરને લીધે 13 ઓગસ્ટથી પશ્ચિમ બંગાળ, ઓડિશા, ઝારખંડ, છત્તીસગઢ અને બિહારમાં વરસાદનું જોર અચાનક વધી જશે.
ઉત્તર ભારતમાં 15 ઓગસ્ટ સુધી કેવો રહેશે માહોલ?
ઉત્તર-પશ્ચિમ ભારતમાં આ આખું અઠવાડિયું વરસાદી માહોલ રહેશે. હિમાચલ પ્રદેશ, જમ્મુ-કાશ્મીર, લદ્દાખ અને ઉત્તરાખંડમાં 9 થી 15 ઓગસ્ટ સુધી ભારે વરસાદની આગાહી છે. ખાસ કરીને જમ્મુ-કાશ્મીર અને લદ્દાખમાં 11 ઓગસ્ટે અને ઉત્તરાખંડમાં 9-10 ઓગસ્ટે અતિ ભારે વરસાદ પડી શકે છે. પંજાબમાં 10-11 અને 13-14 ઓગસ્ટે વરસાદ પડશે. હરિયાણા અને ચંદીગઢમાં પણ 10-11 અને 13 ઓગસ્ટે સારો વરસાદ થવાની સંભાવના છે. પૂર્વ ઉત્તર પ્રદેશમાં 13-14 ઓગસ્ટ અને પૂર્વ રાજસ્થાનમાં 9 થી 13 ઓગસ્ટ સુધી મેઘમહેર ચાલુ રહેશે.
ગુજરાત અને પશ્ચિમ ભારતમાં શું છે આગાહી?
ગુજરાતના લોકો માટે પણ સારા સમાચાર છે. 10 થી 12 ઓગસ્ટ દરમિયાન રાજ્યમાં વરસાદનું જોર વધશે. ખાસ કરીને 11 ઓગસ્ટના રોજ ગુજરાતના કેટલાક વિસ્તારોમાં ભારે વરસાદ ખાબકી શકે છે. કોંકણ અને ગોવામાં 9 થી 15 ઓગસ્ટ સુધી સતત વરસાદ પડી શકે છે. મધ્ય મહારાષ્ટ્ર અને મરાઠવાડામાં પણ ગાજવીજ સાથે વરસાદની આગાહી છે.
મધ્ય અને પૂર્વ ભારતમાં એલર્ટ
મધ્ય પ્રદેશ, છત્તીસગઢ અને વિદર્ભમાં 9 થી 11 ઓગસ્ટ વચ્ચે ભારે વરસાદની આગાહી છે. પશ્ચિમ મધ્ય પ્રદેશમાં 9-10 ઓગસ્ટે અતિ ભારે વરસાદ પડી શકે છે. બિહાર, ઝારખંડ અને સિક્કિમમાં 13 ઓગસ્ટ પછી વરસાદની ગતિવિધિઓ તેજ થશે.
પૂર્વોત્તર અને દક્ષિણ ભારતમાં પણ મેઘરાજાની બેટિંગ
આસામ, મેઘાલય અને અરુણાચલ પ્રદેશમાં 14-15 ઓગસ્ટના રોજ અતિ ભારે વરસાદની ચેતવણી આપવામાં આવી છે. આ દરમિયાન વીજળી પડવાની પણ પૂરી શક્યતા છે.દક્ષિણ ભારતમાં કેરળ, કર્ણાટક અને લક્ષદ્વીપમાં 9 થી 15 ઓગસ્ટ સુધી વરસાદી માહોલ રહેશે. કેરળ અને તમિલનાડુમાં 40 થી 60 કિલોમીટર પ્રતિ કલાકની ઝડપે તોફાની પવન ફૂંકાઈ શકે છે.
દિલ્હીમાં 12 ઓગસ્ટ સુધી કેવું રહેશે હવામાન?
રાજધાની દિલ્હીમાં 12 ઓગસ્ટ સુધી આકાશ વાદળોથી ઘેરાયેલું રહેશે. 9 અને 10 ઓગસ્ટે હળવોથી મધ્યમ વરસાદ પડી શકે છે. જ્યારે 11 અને 12 ઓગસ્ટે પણ દિવસ દરમિયાન કે રાત્રે વરસાદી ઝાપટાં પડવાની સંભાવના છે. આ દિવસોમાં દિલ્હીનું મહત્તમ તાપમાન 32 થી 35 ડિગ્રી સેલ્સિયસની વચ્ચે રહેવાની ધારણા છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
