Monsoon Updates: ભારતમાં દક્ષિણ-પશ્ચિમ ચોમાસું સામાન્ય રહેશે, જૂનમાં વરસાદ સામાન્ય કરતાં ઓછો રહેશે, IMDની આગાહી

Monsoon Updates: ભારતીય હવામાન વિભાગ (IMD) એ શુક્રવારે દક્ષિણ પશ્ચિમ ચોમાસાને લઈને તેની આગાહી જાહેર કરી છે. IMDએ કહ્યું કે જૂનમાં ભારતમાં વરસાદ સામાન્ય કરતાં ઓછો રહેવાની શક્યતા છે. હવામાન વિભાગે વેસ્ટર્ન ડિસ્ટર્બન્સના કારણે ઉત્તર-પશ્ચિમ અને મધ્ય ભારતમાં આગામી કેટલાક દિવસો સુધી વરસાદની સંભાવના વ્યક્ત કરી છે. IMDએ કહ્યું કે જૂનથી સપ્ટેમ્બર સુધી ભારતમાં દક્ષિણ પશ્ચિમ ચોમાસું સામાન્ય રહી શકે છે.

હવામાન વિભાગે જણાવ્યું કે એકવાર ચોમાસું જોર પકડે તો અમે આશા રાખીએ છીએ કે ચોમાસું 4 જૂનની આસપાસ કેરળમાં પહોંચી જશે. 1 જૂન પહેલા આપણે ચોમાસાના આગમનની આશા રાખી રહ્યા નથી. આ વર્ષે ચોમાસું સામાન્ય રહેવાની શક્યતા છે.