Moody's On India GDP: ભારતની રફ્તાર રોકવી મુશ્કેલ! દુનિયામાં વાગ્યો ડંકો, આ વર્ષે પણ રહેશે નંબર-1

Moody's On India GDP: ભારતીય અર્થવ્યવસ્થા (Indian Economy) માટે એક જબરદસ્ત સમાચાર સામે આવ્યા છે. જો તમે પણ ભારતની પ્રગતિ જોઈને ખુશ થતા હોવ, તો આ રિપોર્ટ તમારો દિવસ સુધારી દેશે. વિદેશી રેટિંગ એજન્સી મૂડીઝે ભારતનો લોખંડી દબદબો સ્વીકારી લીધો છે. એજન્સીએ સ્પષ્ટ શબ્દોમાં કહ્યું છે કે ભારતની તેજી પર કોઈ 'બ્રેક' લાગવાની નથી અને આવનારા સમયમાં પણ ભારત સુપરફાસ્ટ સ્પીડથી આગળ વધતું રહેશે.

G-20 દેશોમાં ભારત રહેશે ટોપ પર મૂડીઝના રિપોર્ટ મુજબ, દુનિયાભરના મોટા દેશોના સંગઠન G-20 માં ભારત સૌથી ઝડપથી વિકસતું અર્થતંત્ર બની રહેશે. એજન્સીએ અનુમાન લગાવ્યું છે કે નાણાકીય વર્ષ 2027 (FY27) માં ભારતનો રિયલ જીડીપી ગ્રોથ (Real GDP Growth) 6.4% ના દરે વધશે. દુનિયાના અન્ય દેશોમાં આર્થિક સુસ્તી જોવા મળી રહી છે, ત્યારે ભારતની આ સ્પીડ ખરેખર કાબિલેદાદ છે.

આ કારણે ભારત બની રહ્યું છે મજબૂત તમને પ્રશ્ન થશે કે આખરે ભારતની ઈકોનોમી આટલી મજબૂત કેમ છે? તો મૂડીઝે તેના પાછળના કારણો પણ જણાવ્યા છે:

ઘરેલુ માંગ: ભારતમાં લોકોની ખરીદશક્તિ વધી છે અને લોકલ ડિમાન્ડ જળવાઈ રહી છે.

બિઝનેસ વિશ્વાસ: વેપારીઓ અને કંપનીઓમાં વિશ્વાસ વધ્યો છે, જેના કારણે લોન અને રોકાણ માટે પ્રોત્સાહન મળી રહ્યું છે.

GST અને ટેક્સ સુધારાનો મોટો ફાયદો ભારત સરકાર દ્વારા કરવામાં આવેલા માળખાગત સુધારાઓ હવે રંગ લાવી રહ્યા છે. રિપોર્ટમાં ખાસ ઉલ્લેખ છે કે GST Reform અને Income Tax માં કરવામાં આવેલી કપાત જેવી બાબતોને કારણે લોકોના હાથમાં પૈસા બચ્યા છે, જે છેવટે ઘરેલુ વપરાશ (Consumption) વધારે છે. આ સિવાય દેશની મોનેટરી પોલિસી પણ એવી રીતે તૈયાર કરાઈ છે કે જેથી દેશની આર્થિક તંદુરસ્તી જળવાઈ રહે.

RBI પણ છે ફૂલ ફોર્મમાં માત્ર વિદેશી એજન્સી જ નહીં, આપણા રિઝર્વ બેંક ઓફ ઈન્ડિયા (RBI) ને પણ ઈકોનોમી પર પૂરો ભરોસો છે. RBI એ તાજેતરમાં જ નાણાકીય વર્ષ 2026-27 માટે પોતાના ગ્રોથના અંદાજમાં વધારો કર્યો છે.

પહેલા ક્વાર્ટર (Q1) માટે અંદાજ વધારીને 6.9% કર્યો છે (જે પહેલા 6.7% હતો).

બીજા ક્વાર્ટર (Q2) માટે 7.0% નો ગ્રોથ ધાર્યો છે (જે પહેલા 6.8% હતો).

કંપનીઓની તિજોરી મજબૂત મૂડીઝનું કહેવું છે કે આગામી 12 થી 18 મહિના સુધી ભારતની નાણાકીય સ્થિતિ સ્થિર રહેશે. ભારતીય કંપનીઓની બેલેન્સ શીટ એકદમ ફીટ છે. બેંકો પાસે લોનની ડિમાન્ડ વધી રહી છે, છતાં તેમની આવક એટલી છે કે તેઓ પોતાની પાસે પૂરતું મૂડી ભંડોળ રાખી શકે છે.

અમેરિકા સાથેની ડીલથી MSME ને ફાયદો છેલ્લે, ભારત અને અમેરિકા વચ્ચે થયેલા વેપાર કરાર (India-US Trade Deal) નો ઉલ્લેખ પણ કરવામાં આવ્યો છે. આ ડીલથી ભારતના નાના અને મધ્યમ ઉદ્યોગો (MSMEs), જે એક્સપોર્ટ સાથે જોડાયેલા છે, તેમને મોટો ફાયદો થશે. જોકે, બેંકો માટે ડિપોઝિટ મેળવવાની રેસ થોડી ચેલેન્જિંગ બની શકે છે, પરંતુ એકંદરે ચિત્ર ખૂબ જ ઉજળું છે.

ટુંકમાં કહીએ તો, ભારત હવે અટકવાનું નથી. ઈકોનોમી રોકેટ ગતિએ આગળ વધી રહી છે અને નંબર-1 નું સ્થાન જાળવી રાખવા સજ્જ છે.

આ પણ વાંચો-લોકસભા સ્પીકર સામે અવિશ્વાસ પ્રસ્તાવ: 118 સાંસદોની સહી પણ રાહુલ ગાંધીની સહી ગાયબ, જાણો શું છે અંદરની વાત?