હવે અંતરિક્ષમાં પણ થઈ શકશે ફોન કોલ... ઈસરો અમેરિકન સેટેલાઈટ મોકલી રચશે ઈતિહાસ

ભારત આખી દુનિયામાં પોતાની સ્પેસ એજન્સી સાબિત કરી ચૂક્યું છે. હવે ભારત વધુ આગળ વધવાની યોજના બનાવી રહ્યું છે. વર્ષ 2025 ઈસરો માટે ખાસ વર્ષ બની રહેશે. કારણ કે ISRO આવનારા 6 મહિનામાં ઘણા મહત્વપૂર્ણ મિશન લોન્ચ કરવા જઈ રહ્યું છે. આ મહત્વપૂર્ણ મિશનમાં ગગનયાન મિશન અને ભારત-અમેરિકાનો અત્યાર સુધીનો સૌથી મોંઘો સંયુક્ત ઉપગ્રહ NISAR સામેલ છે. પરંતુ આ સમયે સૌથી વધુ ચર્ચામાં રહેલું મિશન તે છે જે ટૂંક સમયમાં તમારા સ્માર્ટફોન દ્વારા સ્પેસથી સીધા કૉલ કરવાનું શક્ય બનાવશે.

આ મિશન ક્યારે શરૂ થશે

ઈસરો ફેબ્રુઆરી-માર્ચ 2025માં અમેરિકન કોમ્યુનિકેશન સેટેલાઇટ લોન્ચ કરશે. જે તમારા સ્માર્ટફોનને સીધો સ્પેસ સાથે કનેક્ટ કરવામાં સક્ષમ બનાવશે. આના દ્વારા તમે કોઈ ખાસ હેન્ડસેટ કે ટર્મિનલ વગર કોલ કરી શકો છો અને ઈન્ટરનેટનો ઉપયોગ કરી શકો છો. આ સંપૂર્ણ રીતે વ્યાપારી પ્રક્ષેપણ હશે, જે ISRO ની વ્યાપારી શાખા ન્યૂ સ્પેસ ઈન્ડિયા લિમિટેડ (NSIL) દ્વારા કરવામાં આવશે. અગાઉ, ભારતે માત્ર નાના યુએસ ઉપગ્રહો જ લોન્ચ કર્યા હતા, પરંતુ આ પ્રથમ વખત છે જ્યારે ભારત સમર્પિત રીતે એક વિશાળ યુએસ કમ્યુનિકેશન સેટેલાઇટ લોન્ચ કરશે.

કેવી રીતે કામ કરશે?

ઈન્ડિયન સ્પેસ રિસર્ચ ઓર્ગેનાઈઝેશન (ISRO) હવે અમેરિકાની AST SpaceMobile કંપની સાથે મળીને એક મહત્વપૂર્ણ મિશન પર કામ કરી રહ્યું છે. આ મિશન નવી ટેક્નોલોજી પર આધારિત છે, જે મોબાઈલ ફોનને સીધા સેટેલાઇટ સાથે કનેક્ટ કરવાની ક્ષમતા પ્રોવાઇડ કરશે. તેનો ઉદ્દેશ્ય વિશ્વના દરેક ખૂણે મોબાઈલ નેટવર્ક પ્રોવાઇડ કરવાનો છે, પછી તે પર્વતીય વિસ્તાર હોય, જંગલ હોય કે સમુદ્રની વચ્ચે હોય. આના દ્વારા હવે મોબાઈલ ટાવર વગર પણ કોલ અને ઈન્ટરનેટ સર્વિસ ઉપલબ્ધ થશે, જે નેટવર્ક કવરેજની મોટી સમસ્યા હોય તેવા વિસ્તારોમાં ક્રાંતિકારી પરિવર્તન લાવી શકે છે.

તે ક્યાંથી લોન્ચ થશે?

તે એક અત્યાધુનિક અને એડવાન્સ ઉપગ્રહ છે, જે ડાયરેક્ટ-ટુ-સેલ ટેક્નોલોજી પર તૈયાર કરવામાં આવ્યો છે. આ સેટેલાઇટ સીધા ફોન પર સિગ્નલ મોકલશે, જેના કારણે મોબાઇલ સર્વિસ કોઈપણ મધ્યસ્થી ટાવર અથવા નેટવર્ક વિના કામ કરશે. એટલે કે તમારો સ્માર્ટફોન સીધો જ સ્પેસ સાથે કનેક્ટ થઈ જશે. આ મિશન દ્વારા ISRO આંતરરાષ્ટ્રીય અવકાશ મિશનમાં ભારતની ભૂમિકાને વધુ મજબૂત કરશે. આ સેટેલાઇટનો એન્ટેના અંદાજે 64 ચોરસ મીટરનો હશે, જે અડધા ફૂટબોલ મેદાન જેટલો છે. તેનું કુલ વજન આશરે 6000 કિગ્રા હશે, અને તેને ભારતના શ્રીહરિકોટાથી ISROના LVM-3 રોકેટ (બાહુબલી)નો ઉપયોગ કરીને નીચી ભ્રમણકક્ષામાં મૂકવામાં આવશે.