UPIએ તોડ્યા બધા રેકોર્ડ! નવેમ્બરમાં થયું 24.58 લાખ કરોડનું ઐતિહાસિક પેમેન્ટ, જાણો સંપૂર્ણ વિગત

UPI Transaction: ભારતમાં ડિજિટલ પેમેન્ટની દુનિયામાં UPI સતત નવી ઊંચાઈઓ સર કરી રહ્યું છે. નવેમ્બર 2025માં ફરી એકવાર UPI ટ્રાન્ઝેક્શને તેના જૂના તમામ રેકોર્ડ તોડી નાખ્યા છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા જાહેર કરાયેલા આંકડા મુજબ, આ મહિને લોકોએ UPI દ્વારા કુલ 24.58 લાખ કરોડનું જંગી પેમેન્ટ કર્યું છે.

આંકડા શું કહે છે?

NPCIના ડેટા અનુસાર, 28 નવેમ્બર, 2025 સુધીમાં UPI દ્વારા 19 અબજથી પણ વધુ ટ્રાન્ઝેક્શન નોંધાયા હતા. આ આંકડા દર્શાવે છે કે ભારતીયો હવે રોકડ વ્યવહારને બદલે ડિજિટલ પેમેન્ટ તરફ કેટલી ઝડપથી આગળ વધી રહ્યા છે.

ગત વર્ષની સરખામણીમાં જબરદસ્ત ઉછાળો

જો આપણે ગયા વર્ષના આંકડા સાથે સરખામણી કરીએ તો આ વૃદ્ધિ સ્પષ્ટપણે જોઈ શકાય છે:

નવેમ્બર 2024: આ મહિનામાં UPI દ્વારા કુલ 15.48 અબજ ટ્રાન્ઝેક્શન થયા હતા, જેનું કુલ મૂલ્ય 21.55 લાખ કરોડ હતું.

નવેમ્બર 2025: આ વર્ષે ટ્રાન્ઝેક્શનની સંખ્યામાં લગભગ 23% નો વધારો થયો છે, જ્યારે ટ્રાન્ઝેક્શનના કુલ મૂલ્યમાં લગભગ 14% નો વધારો જોવા મળ્યો છે.