Stocks to Buy: શેરબજારમાં કડાકા વચ્ચે પણ કરવી છે બમ્પર કમાણી? એક્સપર્ટ માનસ જયસ્વાલે જણાવ્યા આ 2 શાનદાર શેર

Stocks to Buy: આજે મંગળવારે શેરબજારની શરૂઆત ભારે વેચવાલી સાથે થઈ છે. ખાસ કરીને IT શેરોમાં મોટા કડાકાને કારણે સેન્સેક્સ (Sensex) અને નિફ્ટી (Nifty) બંને ગગડ્યા છે. નબળા ગ્લોબલ સંકેતો અને આંતરરાષ્ટ્રીય બજારમાં ક્રૂડ ઓઈલની વધતી કિંમતોએ રોકાણકારોનો મૂડ બગાડી નાખ્યો છે.

સવારે 09:30 વાગ્યાની આસપાસ સેન્સેક્સ 690.78 પોઈન્ટ (0.91%) ઘટીને 75,324.50 ના સ્તર પર ટ્રેડ કરી રહ્યો હતો. બીજી તરફ નિફ્ટી પણ 189.25 પોઈન્ટ (0.79%) ના ઘટાડા સાથે 23,626.60 પર પહોંચી ગયો હતો. માર્કેટમાં IT ઈન્ડેક્સ સૌથી વધુ 3 ટકા જેટલો તૂટ્યો છે, જ્યારે મિડકેપ અને સ્મોલકેપ ઈન્ડેક્સમાં પણ 1.4 ટકા સુધીનો ઘટાડો નોંધાયો છે. બજારની નબળાઈનો અંદાજ એ વાત પરથી લગાવી શકાય કે આજે 880 શેરોમાં વધારો હતો, તેની સામે 2,103 શેરો લાલ નિશાનમાં ટ્રેડ થઈ રહ્યા હતા.

નિફ્ટી અને બેંક નિફ્ટી માટે એક્સપર્ટની સલાહ

આવા પડકારજનક માહોલમાં રોકાણકારોએ શું કરવું જોઈએ તે અંગે manasjaiswal.com ના માર્કેટ એક્સપર્ટ માનસ જયસ્વાલે મહત્વની સલાહ આપી છે.

નિફ્ટી (Nifty): માનસ જયસ્વાલના મતે નિફ્ટીએ તેનો 23,800 નો મહત્વનો સપોર્ટ તોડી નાખ્યો છે. હવે બજારમાં વધુ સાવચેત રહેવાની જરૂર છે. નિફ્ટી હવે 23,400 સુધી ગગડી શકે છે. જો તમારી પાસે લોંગ પોઝીશન હોય તો કડક સ્ટોપ લોસ જરૂર રાખો. જ્યાં સુધી નિફ્ટી તેની 20 દિવસની મૂવિંગ એવરેજ (24,100) ની નીચે છે, ત્યાં સુધી નવી ખરીદી કરવાનું ટાળો. જો નિફ્ટી 24,100 ની ઉપર જાય અને ટકે, તો જ બાઉન્સ બેક માટે ખરીદી કરવી.

બેંક નિફ્ટી (Bank Nifty): બેંક નિફ્ટી માટે 54,000 નું લેવલ ખૂબ જ મોટો સપોર્ટ છે. જો આ લેવલ તૂટશે તો ઈન્ડેક્સ 52,500 સુધી જઈ શકે છે. હાલમાં બેંક નિફ્ટીમાં પણ નવી ખરીદી ટાળવી જોઈએ. જ્યારે ઈન્ડેક્સ 55,300 ના લેવલને પાર કરે ત્યારે જ તેમાં એન્ટ્રી લેવી સુરક્ષિત રહેશે.

માનસ જયસ્વાલના 2 મનપસંદ શેરો (Top Picks)