SBI Q2 Results: દેશની સૌથી મોટી સરકારી બેંક State Bank of India (SBI)એ નાણાકીય વર્ષ 2027ના બીજા ક્વાર્ટર (Q2FY27)નાં પરિણામો જાહેર કર્યા છે. જુલાઈથી સપ્ટેમ્બર 2026ના ક્વાર્ટરમાં બેંકનો સ્ટેન્ડઅલોન નેટ પ્રોફિટ વાર્ષિક ધોરણે 14.27% વધીને ₹23,037.95 કરોડ થયો છે. ગયા વર્ષના સમાન ક્વાર્ટરમાં બેંકે ₹20,159.67 કરોડનો નફો નોંધાવ્યો હતો.
SBI Q2 Results: દેશની સૌથી મોટી સરકારી બેંકનો નફો વધ્યો, NPAમાં પણ સુધારો
સ્ટેટ બેંક ઓફ ઇન્ડિયા (SBI)એ Q2FY27માં સ્ટેન્ડઅલોન નેટ પ્રોફિટમાં વાર્ષિક ધોરણે 14.27%નો વધારો નોંધાવી ₹23,037.95 કરોડનો નફો કર્યો છે. બેંકની NIIમાં 14.7%નો વધારો થઈને ₹49,142 કરોડ થઈ છે. જ્યારે ગ્રોસ NPA ઘટીને 1.39% થયું છે. મજબૂત પરિણામો છતાં 3 નવેમ્બરે SBIના શેરમાં ઇન્ટ્રાડે 1.8% સુધીનો ઘટાડો જોવા મળ્યો હતો.
MoneyControl Newsઅપડેટેડ Nov 03, 2026 પર 3:31 PM
બેંકની નેટ ઇન્ટરેસ્ટ ઇન્કમ (NII)માં પણ 14.7%નો વધારો થયો છે. સપ્ટેમ્બર ક્વાર્ટરમાં NII વધીને ₹49,142 કરોડ રહી છે, જે ગયા વર્ષના સમાન ગાળામાં ₹42,847 કરોડ હતી. જ્યારે ડોમેસ્ટિક નેટ ઇન્ટરેસ્ટ માર્જિન (NIM) 3.11% નોંધાયું છે, જે સપ્ટેમ્બર 2025ના ક્વાર્ટરમાં 3.08% હતું.
બેંકે શેરબજારને આપેલી માહિતી અનુસાર, સપ્ટેમ્બર 2026 ક્વાર્ટરમાં તેની કુલ સ્ટેન્ડઅલોન આવક વાર્ષિક ધોરણે 6.5% વધીને ₹1,43,796 કરોડ રહી છે. ગયા વર્ષે આ આંકડો ₹1,34,979.47 કરોડ હતો. જ્યારે ઓપરેટિંગ પ્રોફિટ 7.28% વધીને ₹34,226 કરોડ થયો છે.
એસ્ટ ક્વોલિટીમાં વધુ સુધારો
સપ્ટેમ્બર 2026 ક્વાર્ટરમાં SBIની એસ્ટ ક્વોલિટીમાં પણ સુધારો જોવા મળ્યો છે. બેંકનો ગ્રોસ નોન-પરફોર્મિંગ એસેટ્સ (Gross NPA) રેશિયો ઘટીને 1.39% થયો છે, જે ગયા વર્ષના સમાન ક્વાર્ટરમાં 1.73% હતો.
તેવી જ રીતે, નેટ NPA રેશિયો પણ ઘટીને 0.36% રહ્યો છે. સપ્ટેમ્બર 2025 ક્વાર્ટરમાં આ આંકડો 0.42% હતો. એટલે કે વાર્ષિક ધોરણે બેંકની લોનની ગુણવત્તામાં સુધારો થયો છે. બેંકનું રિટર્ન ઓન એસેટ્સ (ROA) 1.19% નોંધાયું છે, જે ગયા વર્ષના સપ્ટેમ્બર ક્વાર્ટરમાં 1.17% હતું.
ગ્રોસ એડવાન્સિસ અને ડિપોઝિટમાં વધારો
સપ્ટેમ્બર 2026 ક્વાર્ટરના અંતે SBIના ગ્રોસ એડવાન્સિસ વધીને ₹60,05,805.24 કરોડ થયા છે. ગયા વર્ષના સમાન સમયગાળામાં આ આંકડો ₹44,19,674 કરોડ હતો. એટલે કે તેમાં આશરે 18%નો વધારો નોંધાયો છે.
બીજી તરફ, બેંકની કુલ ડિપોઝિટમાં વાર્ષિક ધોરણે 12.27%નો વધારો થયો છે. સપ્ટેમ્બર 2026ના અંતે ડિપોઝિટ વધીને ₹62,77,919 કરોડ રહી છે, જે સપ્ટેમ્બર 2025માં ₹55,91,700 કરોડ હતી.
SBIના શેરમાં ઘટાડો
SBIના મજબૂત ત્રિમાસિક પરિણામો વચ્ચે 3 નવેમ્બરે બેંકના શેરમાં ઘટાડો જોવા મળ્યો હતો. BSE પર ઇન્ટ્રાડે ટ્રેડિંગ દરમિયાન શેર 1.8% સુધી ઘટીને ₹968.85ની નીચી સપાટીએ પહોંચ્યો હતો. બેંકનું માર્કેટ કેપિટલાઇઝેશન ₹8.99 લાખ કરોડથી વધુ છે. શેરની ફેસ વેલ્યૂ ₹1 છે. છેલ્લા છ મહિનામાં SBIના શેરમાં આશરે 12%નો ઘટાડો નોંધાયો છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.