Richest Person in Asia: રિલાયન્સ ઇન્ડસ્ટ્રીઝના ચેરમેન મુકેશ અંબાણીએ ફરી એકવાર પોતાનો દબદબો સાબિત કરતા એશિયાના સૌથી ધનિક વ્યક્તિનો તાજ પાછો મેળવી લીધો છે. ફોર્બ્સના તાજેતરના અહેવાલ મુજબ, મુકેશ અંબાણીએ ટિકટોકની પેરેન્ટ કંપની બાઇટડાન્સના સહ-સ્થાપક ઝાંગ યિમિંગને પાછળ છોડીને એશિયાના સૌથી અમીર ઉદ્યોગપતિ બનવાનું ગૌરવ હાંસલ કર્યું છે.
બાઇટડાન્સના ઝાંગ યિમિંગને પછાડી મુકેશ અંબાણી ફરી બન્યા એશિયાના સૌથી ધનિક વ્યક્તિ, નેટવર્થ વધીને $88.8 અબજ પર પહોંચી
રિલાયન્સના શેરમાં 12%ના તોફાની ઉછાળા બાદ મુકેશ અંબાણી ફરી એકવાર એશિયાના સૌથી ધનિક વ્યક્તિ બની ગયા છે. તેમની કુલ સંપત્તિ વધીને $88.8 બિલિયન થઈ ગઈ છે.
MoneyControl Newsઅપડેટેડ Nov 03, 2026 પર 2:35 PM
મંગળવારે મુકેશ અંબાણીની કુલ સંપત્તિમાં 10.5% નો જબરદસ્ત ઉછાળો નોંધાયો હતો. આ વધારા સાથે તેમની કુલ નેટવર્થ વધીને $88.8 બિલિયન (અંદાજે 7.4 લાખ કરોડ) પર પહોંચી ગઈ છે.
રિલાયન્સના શેરમાં 12% નો ઉછાળો અને રેકોર્ડબ્રેક પરિણામ
મુકેશ અંબાણીની સંપત્તિમાં થયેલો આ તોતિંગ વધારો સોમવારે રિલાયન્સ ઇન્ડસ્ટ્રીઝના શેરમાં આવેલી ઐતિહાસિક તેજીને આભારી છે. સોમવારના ટ્રેડિંગ સેશનમાં રિલાયન્સનો શેર લગભગ 12% સુધી ઉછળ્યો હતો, જેના કારણે કંપનીના માર્કેટ કેપમાં માત્ર એક જ દિવસમાં 1.6 લાખ કરોડથી વધુ ($19 અબજ) નો વધારો થયો હતો.
શેરબજારમાં આ તેજી રિલાયન્સ દ્વારા જાહેર કરવામાં આવેલા જુલાઈ-સપ્ટેમ્બર ક્વાર્ટરના અત્યાર સુધીના સૌથી શાનદાર પરિણામો બાદ આવી છે.
રેકોર્ડબ્રેક આવક: આ ત્રિમાસિક ગાળામાં કંપનીની કુલ આવક વાર્ષિક ધોરણે 28% વધીને 3.62 લાખ કરોડના રેકોર્ડ સ્તરે પહોંચી ગઈ છે.
EBITDA માં વધારો: કંપનીનો EBITDA 24% ના વધારા સાથે 62,409 કરોડ રહ્યો છે.
ચોખ્ખો નફો: કંપનીનો નેટ પ્રોફિટ 34% ના મોટા ઉછાળા સાથે રેકોર્ડ 29,550 કરોડ નોંધાયો છે.
Jio Platforms IPO નું ધમાકેદાર લિસ્ટિંગ અને એનાલિસ્ટ્સનો ભરોસો
તાજેતરમાં જ 28 ઓક્ટોબરના રોજ રિલાયન્સની ડિજિટલ કંપની જિયો પ્લેટફોર્મ્સનું નેશનલ સ્ટોક એક્સચેન્જ પર 27%ના બમ્પર પ્રીમિયમ સાથે લિસ્ટિંગ થયું હતું. $3.2 બિલિયનનું કદ ધરાવતો આ IPO ભારતના ઇતિહાસનો સૌથી મોટો IPO હતો, જેનાથી રિલાયન્સના વેલ્યુએશનને મોટો સપોર્ટ મળ્યો છે.
કંપનીના શાનદાર પરિણામો બાદ બ્રોકરેજ ફર્મ અવેન્ડસ સ્પાર્કના એનાલિસ્ટ્સે રિલાયન્સના શેરને Reduce થી અપગ્રેડ કરીને Add રેટિંગ આપ્યું છે. બ્લૂમબર્ગના રિપોર્ટ મુજબ, વર્ષ 2017 પછી પહેલીવાર એવું બન્યું છે કે જ્યારે રિલાયન્સના શેર પર કોઈપણ માર્કેટ એનાલિસ્ટનું 'Hold' કે 'Sell' રેટિંગ નથી.
દુનિયાના અમીરોની યાદીમાં કોણ કયા ક્રમે?
ફોર્બ્સની રિયલ-ટાઇમ અબજોપતિઓની યાદીમાં ભારતીય અને એશિયન દિગ્ગજોની સ્થિતિ નીચે મુજબ છેય
મુકેશ અંબાણી: $88.8 બિલિયનની સંપત્તિ સાથે મુકેશ અંબાણી હવે વૈશ્વિક સ્તરે (દુનિયામાં) 22મા ક્રમે આવી ગયા છે.
ઝાંગ યિમિંગ: બાઇટડાન્સના સહ-સ્થાપક $84 બિલિયનની સંપત્તિ સાથે પાછળ ધકેલાઈને દુનિયામાં 25મા સ્થાને પહોંચી ગયા છે.
ગૌતમ અદાણી: અદાણી ગ્રુપના ચેરમેન ગૌતમ અદાણી $80.1 બિલિયનની કુલ સંપત્તિ સાથે વિશ્વના અમીરોની યાદીમાં 26મા ક્રમે યથાવત છે.
ડિસ્ક્લેમરઃ મનીકંટ્રોલ ડૉટ કૉમ નેટવર્ક 18 સમૂહનો હિસ્સો છે. મનીકંટ્રોલ ડૉટ કૉમ અને અન્ય ડિઝિટલ, પ્રિન્ટ અને ટીવી ચેનલ નેટવર્ક 18 ના અંતર્ગત આવે છે. નેટવર્ક 18 ના સ્વામિત્વ અને પ્રબંધન રિલાયન્સ ઈન્ડસ્ટ્રીઝના હાથમાં છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.