Election Results 2026 : આસામમાં ભાજપ બહુમતીના આંકડાને પાર, બંગાળમાં કાંટાની ટક્કર અને દક્ષિણ ભારતમાં જંગ જામ્યો

મુખ્યમંત્રી હિમંતા બિશ્વા સરમાના નેતૃત્વમાં ભાજપ ત્રીજી વખત સરકાર બનાવવાની દિશામાં આગળ વધી રહ્યું છે.

પશ્ચિમ બંગાળમાં હાઈ-વોલ્ટેજ ડ્રામા

બંગાળમાં મમતા બેનર્જીની TMC અને ભાજપ વચ્ચે સીધી ટક્કર છે. એક્ઝિટ પોલના અંદાજોમાં અહીં ખૂબ જ નજીકનો મુકાબલો હોવાનું જણાવાયું હતું. મમતા બેનર્જી સતત ચોથી વખત સત્તા જાળવી રાખવા એડીચોટીનું જોર લગાવી રહ્યા છે, જ્યારે ભાજપ પરિવર્તનના નારા સાથે મેદાનમાં છે. બંગાળની દરેક સીટ પર રસાકસી જોવા મળી રહી છે.

દક્ષિણ ભારતના રાજ્યોની સ્થિતિ

કેરળ: અહીં મુખ્યમંત્રી પિનરાઈ વિજયનની આગેવાની હેઠળની LDF સરકાર ઇતિહાસ રચવાની કોશિશમાં છે, કારણ કે કેરળમાં દર વર્ષે સત્તા બદલવાનો જૂનો ટ્રેન્ડ છે. બીજી તરફ કોંગ્રેસના નેતૃત્વ હેઠળનું UDF 10 વર્ષ બાદ વાપસીની આશા રાખી રહ્યું છે.

તમિલનાડુ: અહીં પરંપરાગત રીતે DMK અને AIADMK વચ્ચે જંગ છે, પરંતુ આ વખતે અભિનેતામાંથી રાજકારણી બનેલા વિજયની પાર્ટી TVK 'કિંગમેકર' સાબિત થઈ શકે છે. ભાજપ પણ અહીં પોતાની પકડ મજબૂત કરવા પ્રયાસ કરી રહ્યું છે.

પુડુચેરી: અહીં AINRC-ભાજપ ગઠબંધન અને DMK-કોંગ્રેસ ગઠબંધન વચ્ચે સીધી સ્પર્ધા છે.

મતગણતરીની પ્રક્રિયા

આજે સવારે 8 વાગ્યાથી શરૂ થયેલી મતગણતરીમાં સૌથી પહેલા પોસ્ટલ બેલેટ ગણવામાં આવી રહ્યા છે, ત્યારબાદ EVM ના મતોની ગણતરી હાથ ધરવામાં આવશે. બપોર સુધીમાં તમામ રાજ્યોના ચિત્ર સ્પષ્ટ થવાની સંભાવના છે.

આ પણ વાંચો-Gold Price Today: સોનાના ભાવમાં ઘટાડો યથાવત, એક જ સપ્તાહમાં 2960 સસ્તું થયું સોનું, જાણો અમદાવાદ સહિતના શહેરોમાં લેટેસ્ટ ભાવ