ભારતમાં કોવિડ-19ના વધતા કેસ પાછળ આ નવો વેરિએન્ટ! નિષ્ણાતે કહ્યું- નવા સ્ટ્રેન આવતા રહેશે...

Omicron XBB.1.16: ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS), દિલ્હીના ભૂતપૂર્વ ડિરેક્ટર ડૉ. રણદીપ ગુલેરિયાએ જણાવ્યું હતું કે કોરોનાવાયરસ XBB.1.16નું નવું સ્વરૂપ આ સમયે સંક્રણના કેસોમાં વધારા માટે જવાબદાર હોઈ શકે છે. પરંતુ ગભરાવાની કોઈ જરૂર નથી. કારણ કે તેનાથી ગંભીર બીમારી અથવા મૃત્યુનો ખતરો નથી. ગુલેરિયાએ ન્યૂઝ એજન્સી પીટીઆઈને આપેલા ઈન્ટરવ્યુમાં જણાવ્યું હતું કે, "નવા વેરિએન્ટ આવતા રહેશે કારણ કે વાયરસ સમયાંતરે મ્યુટેટ થતા રહે છે અને XBB.1.16 આ ગ્રુપનો જ એક નવો મેમ્બર છે."

ગુલેરિયા, જેઓ નેશનલ કોવિડ ટાસ્ક ફોર્સના સભ્ય હતા, તેમણે કહ્યું કે, “જ્યાં સુધી વાયરસના આ વેરિએન્ટ ગંભીર રોગ, હોસ્પિટલમાં દાખલ થવા અને મૃત્યુનું જોખમ ઉભું ન કરે ત્યાં સુધી તે ઠીક છે, કારણ કે વસ્તીને લાઇટ ડિસીસથી થોડી ઇમ્યુનિટી મળે છે.

ડૉ. ગુલેરિયાના જણાવ્યા અનુસાર, વાયરસ સમય જતાં પરિવર્તિત થાય છે અને આ કોવિડ-19 અને ઈન્ફલ્યુએન્ઝા બંને સાથે થાય છે.

તેમણે કહ્યું, "આપણને ખ્યાલ જ છે કે જ્યારે કોવિડ -19 ફાટી નીકળ્યો ત્યારે તે આલ્ફા, બીટા, ગામા, ડેલ્ટા અને ઓમિક્રોન વેરિઅન્ટ્સ આવ્યા હતા"

'તો પણ ચિંતા કરવાની કોઈ વાત નથી...'

ગુલેરિયાએ કહ્યું, "આ રીતે વાયરસ બદલાતો રહ્યો. સદનસીબે, જો આપણે છેલ્લા એક વર્ષ પર નજર કરીએ, તો આવા પ્રકારો સામે આવ્યા છે, જે ઓમિક્રોનના જ પેટા પ્રકાર છે. તેથી લાગે છે કે વાયરસ અમુક અંશે સ્થિર થયો છે અને નથી. ભૂતકાળની જેમ ઝડપથી બદલાય છે."

શું નવા પ્રકાર XBB.1.16માં આગામી થોડા દિવસોમાં કોવિડ-19 કેસની નવી લહેર લાવવાની ક્ષમતા છે? આ પ્રશ્નના જવાબમાં ગુલેરિયાએ કહ્યું, "તમે કેસોમાં ઉછાળો જોઈ શકો છો, પરંતુ તે કદાચ સામે નહીં આવે, કારણ કે શરૂઆતમાં લોકો ખૂબ જ સાવધ રહેતા હતા અને જાતે જઈને પરીક્ષણ કરાવતા હતા."

તેમણે કહ્યું, "હવે મોટા ભાગના લોકો તાવ-શરદી-ઉધરસના લક્ષણો હોવા છતાં ટેસ્ટ કરાવતા નથી. કેટલાક લોકોનો રેપિડ એન્ટિજેન ટેસ્ટ કરાવવામાં આવે છે અને સંક્રમણની પુષ્ટિ થયા પછી પણ તેઓ તેના વિશે જણાવતા નથી."

ડૉ. ગુલેરિયાએ સલાહ આપી કે જે લોકોનો ટેસ્ટ પોઝિટિવ આવે છે તેમને જાણ કરવી જોઈએ, જે નીતિ ઘડવૈયાઓ અને સરકારને કેસની વાસ્તવિક સંખ્યા જાણવા અને તે મુજબ વ્યૂહરચના બનાવવામાં મદદ કરે છે.

આ પણ વાંચો - પ્રાઇવેટ સેક્ટરની દિગ્ગજ બેન્કે FD પર વધાર્યું વ્યાજ, જાણો કેટલા સમયના રોકાણ પર કેટલું ઇન્ટરસ્ટ