Bihar Reservation High Court: પટના હાઈકોર્ટે બિહારમાં 65 ટકા રિઝર્વેશનનો કાયદો કર્યો રદ, નીતિશને ઝટકો

Bihar Reservation High Court: પટના હાઈકોર્ટે બિહાર આરક્ષણ અધિનિયમને રદ કરી દીધો છે જેણે બિહારમાં સરકારી નોકરીઓ અને ઉચ્ચ શૈક્ષણિક સંસ્થાઓમાં પ્રવેશમાં રિઝર્વેશન વધારીને 65 ટકા કરી દીધી હતી. મુખ્યમંત્રી નીતિશ કુમારની મહાગઠબંધન સરકારે જાતિ આધારિત સર્વે રિપોર્ટના આધારે EBC, OBC, દલિતો અને આદિવાસીઓ માટે રિઝર્વેશન વધારીને 65 ટકા કરી હતી. આર્થિક રીતે પછાત લોકો (ઉચ્ચ જાતિ) માટે 10 ટકા આરક્ષણ સહિત, બિહારમાં નોકરી અને પ્રવેશ ક્વોટા વધીને 75 ટકા થયો હતો. યુથ ફોર ઈક્વાલિટી અને અન્ય સંગઠનોએ બિહાર રિઝર્વેશન એક્ટને હાઈકોર્ટમાં પડકાર્યો હતો. આ જ અપીલ પર હાઈકોર્ટના મુખ્ય ન્યાયાધીશની બેન્ચે રિઝર્વેશન વધારતા આ કાયદાને રદ કર્યો છે.

નીતીશની જૂની કેબિનેટે 7 નવેમ્બરે ક્વોટા વધારવાનો નિર્ણય લીધો હતો અને બિહારના જાતિ આધારિત સર્વેના અહેવાલના આધારે વિધાનસભામાં બિલ રજૂ કર્યું હતું. આ દ્વારા OBC રિઝર્વેશન 12 ટકાથી વધારીને 18 ટકા, EBC રિઝર્વેશન 18 ટકાથી વધારીને 25 ટકા, SC રિઝર્વેશન 16 ટકાથી વધારીને 20 ટકા અને ST રિઝર્વેશન 1 ટકાથી વધારીને 2 ટકા કરવાનો પ્રસ્તાવ હતો. આ બિલ 9 નવેમ્બરના રોજ વિધાનસભા દ્વારા પસાર કરવામાં આવ્યું હતું. 21 નવેમ્બરના રોજ રાજ્યપાલની મંજૂરી પછી, આ બિલ કાયદાનું સ્વરૂપ લઈ ગયું અને સમગ્ર રાજ્યમાં લાગુ થઈ ગયું.

આ પણ વાંચો - ભારતનું NBFC સેક્ટર બન્યું વિશ્વનું ત્રીજું સૌથી મોટું સેક્ટર, જાણો ક્યા બે દેશ આગળ