Raj Kundra News: શિલ્પા શેટ્ટીના પતિ રાજ કુન્દ્રાની 97 કરોડની સંપત્તિ જપ્ત, EDએ કરી કાર્યવાહી

Raj Kundra News: ED એટલે કે એન્ફોર્સમેન્ટ ડિરેક્ટોરેટે બિઝનેસમેન રાજ કુન્દ્રા વિરુદ્ધ મોટી કાર્યવાહી કરી છે. અહેવાલ છે કે કેન્દ્રીય તપાસ એજન્સીએ ગુરુવારે કુન્દ્રાની 97 કરોડ રૂપિયાની સંપત્તિ જપ્ત કરી લીધી છે. કુન્દ્રા બોલિવૂડ અભિનેત્રી શિલ્પા શેટ્ટીના પતિ છે. વર્ષ 2021માં પ્રકાશમાં આવેલા પોર્નોગ્રાફી કેસમાં પણ કુન્દ્રાનું નામ સામે આવ્યું હતું. તે દરમિયાન ધરપકડ કરવામાં આવી હતી. જોકે બાદમાં તેને જામીન મળી ગયા હતા.

મીડિયા રિપોર્ટ્સ અનુસાર, કુન્દ્રાની જે પ્રોપર્ટી ED દ્વારા જપ્ત કરવામાં આવી છે તેમાં જુહુમાં શેટ્ટીનો બંગલો પણ સામેલ છે. પ્રિવેન્શન ઓફ મની લોન્ડરિંગ એક્ટ એટલે કે PMLA, 2002 હેઠળ વેપારી વિરુદ્ધ આ કાર્યવાહી કરવામાં આવી છે. ખાસ વાત એ છે કે શેટ્ટીની ઇન્ડિયન પ્રીમિયર લીગ એટલે કે IPL ટીમ રાજસ્થાન રોયલ્સમાં પણ હિસ્સો હતો.