રશિયાનો અમેરિકાને જવાબ: ભારત માટે અમારા દરવાજા હંમેશા ખુલ્લા!

Donald Trump tariffs: ભારત અને રશિયા વચ્ચેની દોસ્તી અમેરિકાને રુચી રહી નથી. યુએસ પ્રેસિડેન્ટ ડોનાલ્ડ ટ્રમ્પે ભારત દ્વારા રશિયન તેલની ખરીદીને કારણે 25% વધારાના ટેરિફ લગાવ્યા, જેનાથી ભારતીય એક્સપોર્ટ પર કુલ 50% ટેરિફ લાગુ થયા. આ નિર્ણયની ટીકા કરતા રશિયાએ ભારતને ખુલ્લું આમંત્રણ આપ્યું છે, કે જો અમેરિકા ભારતીય માલની એક્સપોર્ટ રોકે તો રશિયા તેનું બજાર ખોલશે.

રશિયન દૂતાવાસે ટ્રમ્પના ટેરિફને 'ડબલ સ્ટાન્ડર્ડ' ગણાવીને નારાજગી વ્યક્ત કરી. તેમણે કહ્યું કે ભારત રશિયન તેલ પર 5% ડિસ્કાઉન્ટ મેળવી રહ્યું છે, જે ભારતની ઊર્જા સુરક્ષા માટે જરૂરી છે. રશિયન તેલનો કોઈ વિકલ્પ નથી, કારણ કે તે ખૂબ જ સસ્તું છે. ભારતની આર્થિક જરૂરિયાતોને ધ્યાનમાં રાખીને આ ખરીદીઓ ચાલુ રાખવી જરૂરી છે.

ભારત-રશિયા વચ્ચે વેપાર વધારવાની તૈયારી

રશિયાએ ભારત સાથે વેપારને વધુ સરળ બનાવવા નવી બેટર પેમેન્ટ સિસ્ટમ વિકસાવવાની યોજના બનાવી રહ્યું છે. રશિયન દૂતાવાસના અધિકારીએ જણાવ્યું કે બંને દેશો વચ્ચેની આર્થિક ભાગીદારીને મજબૂત કરવા માટે વેપારમાં આવતી અડચણો દૂર કરવામાં આવશે. આનાથી ભારતીય એક્સપોર્ટકારોને રશિયન બજારમાં વધુ તકો મળશે.

અમેરિકા સાથે તણાવ

ભારત અને અમેરિકા વચ્ચેના સંબંધો હાલ તણાવગ્રસ્ત છે. ટ્રમ્પે રશિયન તેલની ખરીદીને રશિયા-યુક્રેન યુદ્ધને ટેકો આપવાનું ગણાવ્યું છે. ભારતે આ ટેરિફને ‘અન્યાયી અને અયોગ્ય' ગણાવ્યા છે, એમ કહીને કે યુએસ અને યુરોપ પણ રશિયા સાથે વેપાર કરે છે. ભારતનો આડકતરો નિર્દેશ એ છે કે અમેરિકાનું વલણ પક્ષપાતી છે, કારણ કે ચીન અને તુર્કી જેવા દેશો પર આવા ટેરિફ લાગુ નથી.

મોદી-પુતિનની મુલાકાત