8th Pay Commission: કેન્દ્રીય કર્મચારીઓની બલ્લે-બલ્લે! 20 મહિનાના વિલંબથી ખાતામાં આવશે એકસાથે 14 લાખ રૂપિયાનું એરિયર, સમજો ગણિત

8th Pay Commission: 8માં પગાર પંચની આતુરતાથી રાહ જોઈ રહેલા દેશના 1 કરોડથી વધુ કેન્દ્રીય કર્મચારીઓ અને પેન્શનરો માટે એક મોટા અને રાહતરૂપ સમાચાર સામે આવ્યા છે. જોકે પગાર પંચની જાહેરાતને લઈને રાહ લાંબી થઈ રહી છે, પરંતુ આ વિલંબ પાછળ એક મોટો ફાયદો છુપાયેલો છે. રિપોર્ટ્સ અને નિષ્ણાતોના આકલન મુજબ, જો પગાર પંચની ભલામણો લાગુ કરવામાં વિલંબ થાય છે, તો કર્મચારીઓને એરિયરના રૂપમાં લાખો રૂપિયાની માતબર રકમ એકસાથે મળશે.

અંદાજ મુજબ, જો 8મું પગાર પંચ લાગુ થવામાં 20 મહિનાનો સમય લાગે છે, તો લેવલ 7 ના કર્મચારીઓને 20 મહિનાના એરિયર તરીકે 14 લાખ રૂપિયાથી વધુની મોટી રકમ એકસાથે મળી શકે છે. ચાલો એકદમ સરળ ભાષામાં સમજીએ કે લેવલ 4 થી લેવલ 7 ના કર્મચારીઓને એરિયર તરીકે કેટલા રૂપિયા મળી શકે છે.

શા માટે વધી રહ્યો છે એરિયરનો આંકડો?

સીધો નિયમ છે કે, પગાર પંચ લાગુ થવામાં જેટલો સમય લાગશે, તેટલી જ બાકી નીકળતી રકમ એટલે કે એરિયરની રકમ મોટી થતી જશે. સૂત્રોના જણાવ્યા અનુસાર 8માં પગાર પંચની ભલામણોને સંપૂર્ણપણે લાગુ થવામાં લગભગ 20 મહિના કે તેથી વધુ સમય લાગી શકે છે. જો સરકાર 2.57ના ફિટમેન્ટ ફેક્ટરના આધારે બેઝિક સેલરીમાં વધારો કરે છે, તો દર મહિનાના મૂળ પગારમાં મોટો ઉછાળો આવશે અને આ વધારાનો સીધો ફાયદો મોટા એરિયર તરીકે મળશે.

જો 20 મહિનાના વિલંબને ગણતરીમાં લઈએ, તો બેઝિક સેલરીના વધારા મુજબ અલગ-અલગ લેવલના કર્મચારીઓને અંદાજિત આટલું એરિયર મળી શકે છે:

લેવલ 7 - 14.09 લાખ રૂપિયા સુધીનું એરિયર

હાલનો બેઝિક પગાર (7th CPC): 44,900 રૂપિયા

અંદાજિત નવો બેઝિક પગાર (8th CPC): 1,15,393 રૂપિયા

માસિક તફાવત: 70,493 રૂપિયા

20 મહિનાનું કુલ એરિયર: 70,493 ✕ 20 = 14,09,860 રૂપિયા (લગભગ 14.10 લાખ રૂપિયા)

લેવલ 6 - 11.11 લાખ રૂપિયા સુધીનું એરિયર

લેવલ 6 ના કર્મચારીઓના બેઝિક પગારના વધારા મુજબ 20 મહિનાનું અંદાજિત એરિયર 11.11 લાખ રૂપિયા સુધી પહોંચી શકે છે.

લેવલ 5 - 9.13 લાખ રૂપિયા સુધીનું એરિયર

હાલનો બેઝિક પગાર: 29,200 રૂપિયા

20 મહિનાના તફાવતના આધારે લેવલ 5 ના કર્મચારીઓનું અંદાજિત એરિયર લગભગ 9.13 લાખ રૂપિયા થાય છે.

લેવલ 4 - 8 લાખ રૂપિયા સુધીનું એરિયર

હાલનો બેઝિક પગાર: 25,000 રૂપિયા

આ બેઝિક પગારના આધારે 20 મહિનાનું એરિયર લગભગ 8 લાખ રૂપિયા સુધીનું બની શકે છે.

શું 14 લાખ રૂપિયાની આ રકમ ફાઈનલ છે?

કર્મચારીઓએ ખાસ નોંધ લેવી કે ઉપર જણાવેલ 14.09 લાખ રૂપિયાનો આંકડો માત્ર 'બેઝિક સેલરી'ના તફાવત પર આધારિત છે. આ ગણતરીમાં હાઉસ રેન્ટ એલાઉન્સ (HRA), ટ્રાવેલિંગ એલાઉન્સ (TA) અથવા મોંઘવારી ભથ્થા (DA) ના એરિયરનો સમાવેશ કરવામાં આવ્યો નથી.

આ એક અંદાજિત ગણતરી છે. અંતિમ એરિયરની રકમ સરકાર દ્વારા કયું ફિટમેન્ટ ફેક્ટર નક્કી કરવામાં આવે છે, અમલીકરણની સત્તાવાર તારીખ કઈ છે અને ખરેખર કેટલા મહિનાનો વિલંબ થયો છે, તેના પર નિર્ભર રહેશે. છતાં, જો વિલંબ થશે તો કર્મચારીઓના ખાતામાં એક મોટી રકમ જમા થવી નિશ્ચિત છે.

આ પણ વાંચો- નેપાળ પૂર હોનારત: ટનલમાંથી 9 દિવસ પછી બે મજૂરોનો ચમત્કારિક બચાવ, હજુ 5083 લોકો લાપતા