શું તમે જાણો છો કે આધાર કાર્ડ 4 પ્રકારના હોય છે? કાર્ડ અને તેના લાભ મેળવવા માટે ક્યાં કરવી અરજી તે જાણો

Aadhaar Card: તે દરેક ભારતીયની સૌથી મોટી જરૂરિયાત બની ગઈ છે. આધાર કાર્ડનો ઉપયોગ અનેક સરકારી અને અંગત કામોમાં થાય છે. આધાર કાર્ડ એ ભારતીય નાગરિકો માટે UIDAI દ્વારા જાહેર કરાયેલ 12 અંકનો વેરિફાઈ થઈ શકે એવો ઓળખ નંબર છે. આધાર કાર્ડના 4 પ્રકાર છે. એટલે કે, તમે તમારું આધાર કાર્ડ ચાર ફોર્મેટમાં બનાવી શકો છો. યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ લોકોની સુવિધા માટે આ ફોર્મેટ તૈયાર કર્યા છે. UIDAIની વેબસાઈટ અનુસાર, આધાર કાર્ડના આ તમામ ફોર્મેટ માન્ય છે. આવો જાણીએ તેમના વિશે.

1. આધાર લેટર

2. આધાર પીવીસી કાર્ડ

આધાર PVC કાર્ડ PVCથી બનેલું છે. આ આધાર કાર્ડ લાઇટ અને ટકાઉ હોય છે. આમાંના ઘણામાં ડિજિટલ હસ્તાક્ષર, ફોટો અને આધાર નંબર સાથેનો QR કોડ હોય છે. આધાર પીવીસી કાર્ડ સ્પીડ પોસ્ટ દ્વારા અરજદારના સરનામે મોકલવામાં આવે છે. તમે આધાર નંબર, વર્ચ્યુઅલ આઈડી અથવા એનરોલમેન્ટ આઈડી દ્વારા રૂપિયા 50ની ફી સાથે uidai.gov.in પર જઈને તેના માટે ઓનલાઈન અરજી કરી શકો છો.

3. M આધાર

આ UIDAI દ્વારા વિકસાવવામાં આવેલ ઓફિશિયલ મોબાઇલ એપ્લિકેશન છે. તે આધાર નંબર ધારકો માટે CIDR સાથે નોંધાયેલ તેમના આધાર રેકોર્ડને લઈ જવા માટે ઈન્ટરફેસ તરીકે કામ કરે છે. આ રેકોર્ડમાં આધાર નંબર સાથે ડેટા અને ફોટો પણ છે. તેમાં ઑફલાઇન વેરિફિકેશન માટે QR કોડ પણ શામેલ છે. mAadhaar વિના મૂલ્યે ડાઉનલોડ કરવા માટે પણ ઉપલબ્ધ છે.

4. ઇ-આધાર

આ આધારનું ઈલેક્ટ્રોનિક સ્વરૂપ છે. તે પાસવર્ડથી સુરક્ષિત છે. તેમાં ઑફલાઇન ચકાસણી માટે સુરક્ષિત QR કોડ છે. તમે તમારા રજિસ્ટર્ડ મોબાઇલ નંબરનો ઉપયોગ કરીને UIDAI ની ઓફિશિયલ વેબસાઇટ પરથી તમારું ઇ-આધાર ડાઉનલોડ કરી શકો છો.

આ પણ વાંચો - ભારતીય સેના સ્કોર્પિયો ક્લાસિક એસયુવી ખરીદશે, મહિન્દ્રાને 1,850 વ્હીકલનો આપ્યો ઓર્ડર