LPG ગ્રાહકો માટે એલર્ટ: આજે e-KYCના છેલ્લા દિવસો, ગેસ સિલિન્ડરની સબસિડી બંધ થશે અને ભાવ વધશે!

LPG gas subsidy: કેન્દ્ર સરકારે રાંધણગેસના ગ્રાહકો માટે એક અત્યંત મહત્ત્વપૂર્ણ અને કડક નિર્ણય લીધો છે. જો તમારા ઘરે પણ સબસિડીવાળો ગેસ સિલિન્ડર આવે છે, તો આ સમાચાર તમારા માટે ખૂબ જ કામના છે. 1 ઓક્ટોબર 2026થી સબસિડીવાળા ગેસ સિલિન્ડરના બુકિંગ માટે બાયોમેટ્રિક અથવા આધાર ઓથેન્ટિકેશન (e-KYC) ફરજિયાત કરી દેવામાં આવ્યું છે. આ પ્રક્રિયા પૂરી કરવાનો આજે અંતિમ દિવસ છે. જો કોઈ ગ્રાહક આજે આ કામમાં ચૂક કરશે, તો આવતીકાલથી તેને સબસિડીનો લાભ મળતો બંધ થઈ જશે.

જો e-KYC નહીં કરાવો તો થશે મોટું આર્થિક નુકસાન

જે ગ્રાહકો સમયમર્યાદામાં પોતાનું આધાર વેરિફિકેશન નહીં કરાવે, તેમને 14.2 કિલોનો સિલિન્ડર પૂરા બજાર ભાવે ખરીદવો પડશે. સપ્ટેમ્બર 2026ના લેટેસ્ટ આંકડા મુજબ, ગ્રાહકોને પ્રતિ સિલિન્ડર આશરે 210 રૂપિયાની સબસિડી આપવામાં આવે છે. અગાઉના સમયમાં આ સબસિડી 721 રૂપિયા સુધી પણ પહોંચી હતી. આધાર લિંક નહીં હોય તો આ રકમ મળતી બંધ થઈ જશે, જેના કારણે સામાન્ય ગ્રાહકોના ઘરના બજેટ પર સીધી અસર પડશે.

સરકારે આ કડક નિયમ કેમ બનાવ્યો?

પેટ્રોલિયમ અને નેચરલ ગેસ મંત્રાલયે આ નિર્ણય પાછળનો હેતુ સ્પષ્ટ કર્યો છે. સરકાર ઈચ્છે છે કે સબસિડીનો લાભ માત્ર સાચા અને જરૂરિયાતમંદ પરિવારોને જ મળે. ઘણીવાર એવું જોવા મળે છે કે ઘર વપરાશ માટે અપાતા સબસિડીવાળા સિલિન્ડરનો ઉપયોગ હોટલ કે ફેક્ટરીઓમાં થતો હોય છે. આવા ગેરકાયદેસર વપરાશને રોકવા, બોગસ કનેક્શન રદ કરવા અને આખી વિતરણ સિસ્ટમને પારદર્શક બનાવવા માટે e-KYC ફરજિયાત કરાયું છે.

આધાર લિંક ન હોવા પર કઈ મુશ્કેલીઓનો સામનો કરવો પડશે?

જો તમે e-KYC નહીં કરાવો તો માત્ર સબસિડી જ નહીં જાય, પરંતુ બીજી ઘણી સમસ્યાઓ પણ આવશે: