લગ્નમાં ભેટમાં મળેલા સોનાના દાગીના વેચવા જઈ રહ્યા છો? સાવધાન, પહેલા જાણી લો ઇન્કમ ટેક્સનો આ નવો નિયમ

Taxation on Jewellery Sale: લગ્ન પ્રસંગે માતા-પિતા કે સગા-સંબંધીઓ તરફથી મળેલા સોના-ચાંદીના દાગીના માત્ર ભાવનાત્મક રીતે જ જોડાયેલા નથી હોતા, પરંતુ મુશ્કેલ સમયમાં એક મોટા આર્થિક ટેકા તરીકે પણ કામ આવે છે. મોટાભાગના લોકોના મનમાં એવો ભ્રમ હોય છે કે લગ્નમાં મળેલી ભેટ ટેક્સ-ફ્રી હોય છે, તેથી આ દાગીના વેચીને મળતા પૂરા પૈસા પર પણ કોઈ ટેક્સ નહીં લાગે.

જો તમે પણ આવું જ વિચારતા હોવ, તો તમારે સાવધાન થવાની જરૂર છે. ટેક્સ નિષ્ણાતોના જણાવ્યા અનુસાર, લગ્નમાં દાગીના ભેટમાં મળવા અને તેને વેચવા, આ બંને માટે ઇન્કમ ટેક્સના નિયમો તદ્દન અલગ છે. ચાલો સરળ ભાષામાં સમજીએ કે દાગીના વેચવા પર ટેક્સનું ગણિત કેવી રીતે કામ કરે છે.

દાગીના મળવા ટેક્સ-ફ્રી છે, પણ વેચવા નહીં!

હાલના ઇન્કમ ટેક્સ કાયદા મુજબ, લગ્નના પ્રસંગે મળતી કોઈપણ ભેટ (પછી ભલે તે રોકડ હોય, દાગીના હોય કે પ્રોપર્ટી) મેળવનાર વ્યક્તિ માટે સંપૂર્ણપણે ટેક્સ-ફ્રી છે. ભેટની કિંમત ગમે તેટલી હોય, તેના પર એક રૂપિયો પણ ટેક્સ લાગતો નથી.

પરંતુ, જ્યારે તમે આ દાગીના બજારમાં વેચીને રોકડી કરો છો, ત્યારે તેમાંથી થતા નફા પર 'કેપિટલ ગેઈન્સ ટેક્સ'ચૂકવવો પડે છે. અહીં નોંધવા જેવી બાબત એ છે કે વેચાણની પૂરેપૂરી રકમ પર ટેક્સ નથી લાગતો, પરંતુ તમને જે 'નફો' થયો છે માત્ર તેના પર જ ટેક્સ લાગે છે.

શોર્ટ-ટર્મ કે લોંગ-ટર્મ? આ રીતે નક્કી થાય છે ટેક્સ

દાગીના વેચવા પર કેટલો ટેક્સ લાગશે, તે એ વાત પર નિર્ભર કરે છે કે દાગીના તમારી અને ભેટ આપનાર (દા.ત. માતા-પિતા) પાસે કુલ કેટલો સમય રહ્યા.