Axis Bank: એક્સિસ બેન્કે શરૂ કરી ઇન્ફિનિટી સેવિંગ્સ એકાઉન્ટ સર્વિસ, કસ્ટમર્સને મળશે અનેક ફાયદા

એક્સિસ બેન્ક તેના કસ્ટમર્સને બે લવચીક વ્યવસ્થાઓ ઓફર કરે છે. બેન્ક તેના કસ્ટમર્સને માસિક અને વાર્ષિક એમ બે પ્રકારની સદસ્યતા આપે છે. આ બેન્ક એકાઉન્ટ માટે કસ્ટમર્સએ 150 રૂપિયા માસિક ફી અથવા 1650 રૂપિયા વાર્ષિક ફી ચૂકવવી પડશે. એક્સિસ બેન્કની સત્તાવાર વેબસાઇટ અનુસાર, માસિક પ્લાન ફી રૂ. 150 છે અને તેની ન્યૂનતમ સભ્યપદ અવધિ 6 મહિના છે. શરૂઆતના 6 મહિના પછી આ યોજના 30 દિવસના ચક્ર પર ચાલુ રહે છે. તેમાંથી દર 30 દિવસે 150 રૂપિયા કાપવામાં આવશે. બેન્ક કસ્ટમર્સએ 1650 રૂપિયા વાર્ષિક ફી ચૂકવવી પડશે. તે કસ્ટમર્સને 360 દિવસ માટે લાભ આપશે. આ સમય પછી તે ઓટો રીન્યુ થશે.

એકાઉન્ટમાંથી જ રકમ ઓટો ડેબિટ થઈ જશે

તમને જણાવી દઈએ કે વાર્ષિક અથવા માસિક ચક્ર પૂર્ણ થયા પછી, સભ્યપદ ફી ગ્રાહકના એકાઉન્ટમાંથી ઓટો ડેબિટ થઈ જશે. ઓટો રિન્યુઅલ ફી પણ એ જ રહેશે જે રીતે ખાતું ખોલાવતી વખતે હતી. જો કસ્ટમર્સ સતત 18 મહિના સુધી તેમના એકાઉન્ટમાં બેલેન્સ જાળવી નહીં રાખે તો તેમનું ખાતું આપોઆપ બંધ થઈ જશે.

આ પણ વાંચો - Rule Change From 1st September 2023: આજથી દેશમાં થઈ રહ્યા છે આ મહત્વપૂર્ણ ફેરફારો, તમારા ખિસ્સા પર પડશે સીધી અસર