Bank Strike: બેંકમાં 5 દિવસ કામકાજ અંગે સરકારનો મોટો ખુલાસો, 3 દિવસની હડતાળ પહેલા જાણો લેટેસ્ટ અપડેટ

Bank Strike 2026: બેંક કર્મચારીઓની આગામી દેશવ્યાપી હડતાળ પહેલા કેન્દ્ર સરકારે એક મોટું નિવેદન આપ્યું છે. બેંકોમાં અઠવાડિયામાં 5 દિવસ કામકાજ કરવાની માંગણી લાંબા સમયથી ચાલી રહી છે. આ વચ્ચે, સરકારે કર્મચારીઓને 28થી 30 સપ્ટેમ્બર 2026 દરમિયાન યોજાનારી હડતાળ પાછી ખેંચવા માટે અપીલ કરી છે.

સરકારે હડતાળ ટાળવા કરી અપીલ

નાણાં મંત્રાલય દ્વારા બેંક કર્મચારી સંગઠનોને વિનંતી કરવામાં આવી છે કે તેઓ આ 3 દિવસીય હડતાળના નિર્ણય પર ફરીથી વિચાર કરે અને તેને ટાળવાનો પ્રયાસ કરે. સરકારે સ્પષ્ટ કર્યું છે કે કર્મચારીઓની ઘણી માંગણીઓ પર હાલમાં વાતચીત ચાલી રહી છે. આવા સમયે હડતાળ કરવાથી સામાન્ય ગ્રાહકો, વેપારીઓના કારોબાર અને સરકારી લેવડદેવડ પર મોટી અને નકારાત્મક અસર પડી શકે છે.

5-Day Banking પર સરકારે શું કહ્યું?

બેંકોમાં 5 દિવસના કામકાજ અંગે સરકારે પોતાનો પક્ષ રજૂ કરતા જણાવ્યું કે, હાલમાં સરકારી બેંકોમાં દર મહિનાના બીજા અને ચોથા શનિવારે રજા આપવામાં આવે જ છે. બાકીના શનિવારે બેંકો ખુલ્લી રહે છે, જેથી સામાન્ય નાગરિકોને જરૂરી બેંકિંગ સેવાઓ સમયસર મળી રહે અને કોઈ અગવડ ન પડે.

બેંક યુનિયનોની મુખ્ય માંગણીઓ શું છે?

યુનાઈટેડ ફોરમ ઓફ બેંક યુનિયન્સ દ્વારા મુખ્યત્વે નીચે મુજબની માંગણીઓ કરવામાં આવી છે: