SBIના ખાતાધારકોને મોટો ઝટકો, 1 ઓક્ટોબરથી બેંકમાંથી રોકડ ઉપાડવી પડશે મોંઘી, ફટાફટ જાણી લો આ નવો નિયમ

દેશની સૌથી મોટી સરકારી બેંક એટલે કે સ્ટેટ બેંક ઓફ ઇન્ડિયાના ગ્રાહકો માટે એક મોટા અને અગત્યના સમાચાર છે. જો તમારું ખાતું પણ SBI માં છે, તો 1 ઓક્ટોબરથી બેંકની બ્રાન્ચમાં જઈને રોકડ ઉપાડવાના નિયમો બદલાવા જઈ રહ્યા છે. બેંકે ફ્રી ટ્રાન્ઝેક્શનની લિમિટ નક્કી કરી દીધી છે, જેની સીધી અસર સામાન્ય માણસના ખિસ્સા પર પડશે. બેંકના નવા સર્ક્યુલર મુજબ, આ નિયમો 1 ઓક્ટોબરથી આખા દેશમાં લાગુ થઈ જશે.

1 ઓક્ટોબરથી શું બદલાશે?

SBI ના નવા ચાર્જ શિડ્યુલ મુજબ, બેઝિક સેવિંગ્સ બેંક ડિપોઝિટ એકાઉન્ટ ધરાવતા ગ્રાહકો મહિનામાં માત્ર 4 વખત જ બેંકની બ્રાન્ચમાંથી ફ્રીમાં રોકડ ઉપાડી શકશે. જો તમે મહિનામાં 4 વખતથી વધુ વાર પૈસા ઉપાડશો, તો તમારે દરેક વધારાના ટ્રાન્ઝેક્શન પર 15 રૂપિયા + GST નો ચાર્જ ચૂકવવો પડશે.

ઉદાહરણ તરીકે સમજીએ તો: જો તમે મહિનામાં 6 વાર બેંકમાં જઈને રોકડ ઉપાડો છો, તો પહેલા 4 ટ્રાન્ઝેક્શન બિલકુલ ફ્રી રહેશે. પરંતુ, 5મા અને 6ઠા ટ્રાન્ઝેક્શન માટે તમારે 15 રૂપિયા + GST લેખે વધારાનો ચાર્જ બેંકને આપવો પડશે.

આ BSBD એકાઉન્ટ શું હોય છે?

બેઝિક સેવિંગ્સ બેંક ડિપોઝિટ એકાઉન્ટ ખાસ કરીને એવા લોકો માટે બનાવવામાં આવ્યું છે, જેમને માત્ર પાયાની બેંકિંગ સુવિધાઓની જ જરૂર હોય છે. આ ખાતાની સૌથી મોટી ખાસિયત એ છે કે તેમાં મિનિમમ બેલેન્સ જાળવી રાખવાની કોઈ જ ઝંઝટ હોતી નથી. આ ખાતામાં પૈસા જમા કરવા અને ઉપાડવાની સુવિધા ફ્રી મળે છે, પરંતુ હવે બેંકે બ્રાન્ચમાંથી વારંવાર રોકડ ઉપાડવા પર મર્યાદા મૂકી દીધી છે.

કોને થશે આની અસર?