Post Office MIS: જો તમે શેરબજારના જોખમોથી દૂર રહીને એવી જગ્યાએ પૈસા રોકવાનું વિચારી રહ્યા છો જ્યાંથી તમને દર મહિને નિયમિત અને ગેરંટીડ આવક મળતી રહે, તો પોસ્ટ ઓફિસની માસિક આવક યોજના (POMIS - Post Office Monthly Income Scheme) તમારા માટે બેસ્ટ ઓપ્શન છે.
Post Officeની આ ધમાકેદાર સ્કીમમાં ફક્ત એકવાર પૈસા જમા કરો, દર મહિને મળશે 5000થી 9250 રૂપિયાની બેઠી આવક
Post Office Monthly Income Scheme: પોસ્ટ ઓફિસ મંથલી ઇન્કમ સ્કીમમાં રોકાણ કરી દર મહિને 5000થી 9250 રૂપિયાની ગેરંટીડ આવક મેળવો. 7.4% વ્યાજ સાથે આ સરકારી યોજના એકદમ સુરક્ષિત છે. જાણો નિયમો અને ફાયદા.
MoneyControl Newsઅપડેટેડ Aug 26, 2026 પર 10:44 AM
સરકારી સુરક્ષા સાથે નિશ્ચિત વળતર આપતી આ યોજના રોકાણકારોમાં ખૂબ જ લોકપ્રિય છે. આ સ્કીમમાં તમારે માત્ર એક જ વાર પૈસા જમા કરવાના હોય છે અને આગામી 5 વર્ષ સુધી દર મહિને તમારા ખાતામાં પેન્શનની જેમ વ્યાજના પૈસા જમા થતા રહે છે. ચાલો જાણીએ આ યોજનાની સંપૂર્ણ ડિટેલ.
વ્યાજદર અને રોકાણના નિયમો
પોસ્ટ ઓફિસ MIS સ્કીમ પર સરકાર દ્વારા વાર્ષિક 7.4%ના દરે આકર્ષક વ્યાજ આપવામાં આવી રહ્યું છે. આ વ્યાજની ગણતરી વાર્ષિક ધોરણે થાય છે, પરંતુ ચૂકવણી દર મહિને કરવામાં આવે છે.
સિંગલ ખાતું (Single Account): જો તમે તમારા પોતાના નામે એકલા ખાતું ખોલાવો છો, તો ઓછામાં ઓછા 1000 રૂપિયાથી રોકાણ શરૂ કરી શકો છો. સિંગલ ખાતામાં વધુમાં વધુ 9 લાખ રૂપિયા સુધીનું રોકાણ કરી શકાય છે.
જોઈન્ટ ખાતું (Joint Account): આ સ્કીમમાં તમે વધુમાં વધુ 3 પુખ્ત વ્યક્તિઓ સાથે મળીને જોઈન્ટ ખાતું પણ ખોલાવી શકો છો. જોઈન્ટ ખાતામાં રોકાણની મહત્તમ મર્યાદા 15 લાખ રૂપિયા છે.
મુદત (Tenure): આ યોજનાની મેચ્યોરિટી 5 વર્ષની હોય છે. 5 વર્ષ પૂરા થયા પછી તમારી જમા કરેલી મૂળ રકમ તમને પાછી મળી જાય છે.
દર મહિને 5000 કે 9250 રૂપિયાની આવક કેવી રીતે થશે?
પોસ્ટ ઓફિસ MIS કેલ્ક્યુલેટર અને 7.4% વ્યાજદર મુજબ ગણતરી કરીએ તો:
દર મહિને 5001 રૂપિયા માટે: જો તમે સિંગલ ખાતામાં એકસાથે આશરે 8,11,000 રૂપિયા જમા કરો છો, તો તમને વાર્ષિક 60,014 રૂપિયા વ્યાજ મળશે. આ વ્યાજ 12 મહિનામાં વહેંચાઈને દર મહિને સીધા તમારા બેંક કે પોસ્ટ ઓફિસ ખાતામાં 5001 રૂપિયા જમા કરી દેશે.
દર મહિને 5550 રૂપિયા માટે: જો તમે સિંગલ એકાઉન્ટની પૂરી લિમિટ એટલે કે 9 લાખ રૂપિયા જમા કરો છો, તો વાર્ષિક 66,600 રૂપિયા વ્યાજ બને છે. એટલે કે દર મહિને તમારા હાથમાં 5550 રૂપિયા આવશે.
દર મહિને 9250 રૂપિયા માટે: જો તમે પત્ની કે પરિવારના સભ્ય સાથે જોઈન્ટ એકાઉન્ટ ખોલાવીને તેમાં મહત્તમ 15 લાખ રૂપિયાનું રોકાણ કરો છો, તો વાર્ષિક 1,11,000 રૂપિયા વ્યાજ મળે છે. આ હિસાબે દર મહિને 9250 રૂપિયાની માસિક આવક ઘરે બેઠા ચાલુ થઈ જશે.
સમય પહેલાં પૈસા ઉપાડવા હોય તો શું નિયમ છે?
સામાન્ય રીતે આ સ્કીમ 5 વર્ષ માટે હોય છે, પરંતુ જો તમને ઇમરજન્સીમાં પૈસાની જરૂર પડે તો સરકાર દ્વારા સમય પહેલા ખાતું બંધ કરવાની સુવિધા પણ આપવામાં આવી છે. જેના નિયમો નીચે મુજબ છે:
1 વર્ષ પહેલાં: ખાતું ખોલાવ્યાના 1 વર્ષ સુધી તમે પૈસા ઉપાડી શકતા નથી.
1 થી 3 વર્ષની વચ્ચે: જો તમે 1 વર્ષ પછી અને 3 વર્ષ પહેલાં ખાતું બંધ કરો છો, તો તમારી જમા રકમમાંથી 2% કાપીને બાકીના પૈસા પાછા આપવામાં આવે છે.
3 થી 5 વર્ષની વચ્ચે: જો 3 વર્ષ પૂરા થયા પછી અને 5 વર્ષ પહેલાં પૈસા ઉપાડો છો, તો મૂળ રકમમાંથી માત્ર 1% ની કપાત થાય છે.
નોમિનીને લાભ: જો કમનસીબે ખાતાધારકનું મૃત્યુ થાય, તો ખાતું તરત જ બંધ કરી દેવામાં આવે છે અને નોમિની અથવા કાયદેસરના વારસદારને કોઈપણ જાતના પૈસા કાપ્યા વિના પૂરેપૂરી રકમ પરત આપી દેવાય છે.
100% સરકારી ગેરંટી અને સુરક્ષા
પોસ્ટ ઓફિસની આ સ્કીમ સીધી ભારત સરકારના નાણા મંત્રાલય હેઠળ આવે છે. આથી તેમાં જમા કરેલા એક-એક રૂપિયા પર 'સોવરિન ગેરંટી' મળે છે. મતલબ કે તમારા પૈસા ડૂબવાનું કોઈ જ જોખમ નથી. ખાસ કરીને સિનિયર સિટીઝન્સ, નિવૃત્ત લોકો અને જેઓ કોઈપણ રિસ્ક લીધા વગર દર મહિને ફિક્સ આવક ઈચ્છે છે, તેમના માટે માં આનાથી સારો બીજો કોઈ વિકલ્પ નથી.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.