SBI WeCareમાં વૃદ્ધોને વધુ વ્યાજનો મળે છે લાભ, જાણો ક્યારે મેળવી શકે છે લાભ

SBI WeCare: ભારતની સૌથી મોટી બેન્ક, સ્ટેટ બેન્ક ઓફ ઈન્ડિયા (SBI) તેના કસ્ટમર્સને વિવિધ પ્રકારની રોકાણ યોજનાઓ ઓફર કરે છે. આમાંની એક યોજના SBI WeCare છે. જો કે આ સ્કીમમાં રોકાણ કરવાની છેલ્લી તારીખ 30 સપ્ટેમ્બર છે. વરિષ્ઠ નાગરિકો માટેની SBI WeCare યોજના 5 થી 10 વર્ષની મુદત સાથે સૌથી વધુ છે. આ FD યોજના વર્ષ 2020 માં કસ્ટમર્સ માટે રજૂ કરવામાં આવી હતી.

SBI WeCareમાં કસ્ટમર્સને વધુ લાભ મળે છે

FDમાં કેટલો સમય રોકાણ કરી શકો છો?

કસ્ટમર્સ 30 સપ્ટેમ્બર 2023 સુધી સ્ટેટ બેન્ક ઓફ ઈન્ડિયા (SBI)ની આ વિશેષ FD સ્કીમમાં રોકાણ કરી શકે છે. SBIની આ યોજના વરિષ્ઠ નાગરિકોને 0.50 ટકા વધારાના વ્યાજનો લાભ આપે છે. જ્યારે SBI ની નિયમિત FDમાં 7 દિવસથી લઈને 10 વર્ષ સુધીના સમયગાળા માટે વ્યાજ દરો 3.50% અને 7.50% ની વચ્ચે છે. આવકવેરાના નિયમો અનુસાર તેમાં TDS કાપવામાં આવે છે. IT નિયમો મુજબ કર કપાતમાંથી મુક્તિ માટે થાપણદાર દ્વારા ફોર્મ 15G/15H સબમિટ કરી શકાય છે.

આ બેન્ક વૃદ્ધોને પણ વધુ વ્યાજનો લાભ આપી રહી છે

ICICI બેન્ક, ખાનગી ક્ષેત્રની અગ્રણી બેન્ક, તેના કસ્ટમર્સને 5 વર્ષથી વધુ સમયગાળા માટે ગોલ્ડન યર્સ FD ઓફર કરે છે. આ ખાસ FDમાં કસ્ટમર્સને 0.50 ટકા પ્રીમિયમની ઉપર 0.10 ટકા વધારાના પ્રીમિયમનો લાભ મળે છે. આ સ્કીમ હેઠળ કસ્ટમર્સને 7.70 ટકાના દરે વ્યાજનો લાભ મળે છે.

આ પણ વાંચો - FPI: ભારતીય શેરોમાં FPI રોકાણ પડ્યું ધીમુ, ઓગસ્ટમાં રૂપિયા 12,262 કરોડનું કર્યું રોકાણ