EPFO Big Update: PF એકાઉન્ટમાં વ્યાજના પૈસા જમા થવાનું શરૂ, આ રીતે ફટાફટ ચેક કરો તમારું બેલેન્સ

EPFO Big Update: નોકરીયાત વર્ગ માટે એક મોટા અને ખુશીના સમાચાર સામે આવ્યા છે. એમ્પ્લોઈઝ પ્રોવિડન્ટ ફંડ ઓર્ગેનાઈઝેશન દ્વારા સબસ્ક્રાઈબર્સના EPF એકાઉન્ટમાં વ્યાજના પૈસા ટ્રાન્સફર કરવાનું શરૂ કરી દેવામાં આવ્યું છે. સરકારે પીએફ બેલેન્સ પર 8.25 ટકા વ્યાજ આપવાની મંજૂરી આપી હતી. હવે નાણાકીય વર્ષ 2025-26નું આ વ્યાજ લોકોના ખાતામાં જમા થઈ રહ્યું છે, જેની પ્રાઈવેટ સેક્ટરમાં કામ કરતા લાખો કર્મચારીઓ આતુરતાથી રાહ જોઈ રહ્યા હતા.

મોબાઈલ પર આવવા લાગ્યા છે SMS

ઘણા PF સબસ્ક્રાઈબર્સને તેમના રજિસ્ટર્ડ મોબાઈલ નંબર પર વ્યાજ જમા થયાના SMS પણ મળવા લાગ્યા છે. આ મેસેજમાં સ્પષ્ટ જણાવવામાં આવ્યું છે કે FY26 ના વ્યાજના પૈસા તેમના એકાઉન્ટમાં ટ્રાન્સફર થઈ ગયા છે. જોકે, જો તમને આવો મેસેજ આવ્યો હોય પણ ખાતામાં તરત જ નવું બેલેન્સ ન દેખાય, તો ગભરાવાની કે ચિંતા કરવાની બિલકુલ જરૂર નથી. EPFO હાલમાં દેશભરના કરોડો ખાતાઓને અપડેટ કરી રહ્યું છે. આ પ્રક્રિયા અનેક તબક્કામાં થતી હોવાથી ઓનલાઈન પાસબુકમાં નવું બેલેન્સ દેખાવામાં થોડો સમય લાગી શકે છે.

34 કરોડ ખાતામાં ટ્રાન્સફર થશે રકમ

આ વખતે વ્યાજ જમા કરવાની પ્રક્રિયા અગાઉના વર્ષો કરતા ખૂબ જ ઝડપી બની છે. આનું મુખ્ય કારણ EPFOની નવી ‘સેન્ટ્રલાઈઝ્ડ આઈટી ઈનેબલ્ડ સિસ્ટમ' (CITES) છે. આ આધુનિક પ્લેટફોર્મના કારણે વ્યાજ ટ્રાન્સફર કરવાની આખી પ્રોસેસ ઓટોમેટિક થઈ ગઈ છે. એક આંકડા મુજબ, EPFO દ્વારા લગભગ 34 કરોડ EPF ખાતાઓમાં વાર્ષિક વ્યાજના અંદાજે 1.44 લાખ કરોડ રૂપિયા ટ્રાન્સફર કરવામાં આવી રહ્યા છે.

આ રીતે ઓનલાઈન ચેક કરો તમારું PF બેલેન્સ

જો તમે પણ જાણવા માંગતા હોવ કે તમારા ખાતામાં વ્યાજ જમા થયું છે કે નહીં, તો આ સરળ સ્ટેપ્સ ફોલો કરો: