10મું નાપાસ ખેડૂત કેળાની ખેતીથી બન્યો કરોડપતિ, 55 એકરમાં ઉભો કર્યો 1.65 કરોડનો 'લીલો બિઝનેસ'

Farmer success story: સામાન્ય રીતે આપણા સમાજમાં ખેતીને વરસાદ, બજારના ભાવ અને ખર્ચના જોખમ સાથે જોડીને જોવામાં આવે છે. મોટાભાગના લોકો માને છે કે ખેતીમાં ઝાઝો નફો નથી. પરંતુ, જો યોગ્ય પાક, વૈજ્ઞાનિક પદ્ધતિ અને બજારની સાચી સમજ હોય, તો આ જ ખેતી એક મોટો બિઝનેસ બની શકે છે. આ વાતને સાચી પાડી બતાવી છે ઉત્તર પ્રદેશના બારાબંકી જિલ્લાના એક પ્રગતિશીલ ખેડૂત રામશરણે.

રામશરણ ભણતરમાં 10મું ધોરણ નાપાસ છે, પરંતુ ખેતીમાં તેમણે એવા ઝંડા ગાડ્યા છે કે ભલભલા ભણેલા લોકો પણ આશ્ચર્યમાં પડી જાય. આજે તેઓ કરોડોનું ટર્નઓવર કરી રહ્યા છે અને ખેડૂતો માટે એક મિસાલ બની ગયા છે.

55 એકરમાં કેળાનું સામ્રાજ્ય અને 1.65 કરોડની કમાણી

રામશરણ કુલ 250 એકર જમીનમાં ખેતી કરે છે. જેમાંથી 55 એકર જમીનમાં તેઓ માત્ર કેળાની ખેતી કરે છે. નવાઈની વાત એ છે કે માત્ર આ કેળાના પાકમાંથી જ તેઓ દર વર્ષે 1.65 કરોડ રૂપિયાની માતબર કમાણી કરી લે છે. તેમની આ શાનદાર સિદ્ધિ બદલ તેમને ભારત સરકાર દ્વારા 'પદ્મશ્રી' એવોર્ડથી પણ સન્માનિત કરવામાં આવ્યા છે. આજે આ કરોડપતિ ખેડૂત એક અત્યાધુનિક અને લક્ઝરી ફાર્મહાઉસમાં પોતાનું જીવન જીવે છે.

કેવી રીતે મેળવી આટલી મોટી સફળતા?

રામશરણે ખેતીને માત્ર જૂની અને પરંપરાગત રીતે કરવાને બદલે તેમાં આધુનિક ટેકનોલોજીનો ભરપૂર ઉપયોગ કર્યો. ખેતરમાં પાકના વાવેતરથી લઈને છોડની માવજત અને બજારમાં વેચાણ સુધીનું એક પરફેક્ટ સિસ્ટમ તેમણે ગોઠવ્યું છે. એક રિપોર્ટ મુજબ, રામશરણનો કેળાનો પાક 11 મહિનામાં તૈયાર થઈ જાય છે. જેનાથી ખેતર ખાલી રહેવાનો સમય બચે છે અને તેઓ તરત બીજા પાકની તૈયારી કરી શકે છે. તેઓ માત્ર ઉત્પાદન વધારવા પર જ નહીં, પરંતુ કેળાની ગુણવત્તા અને યોગ્ય સમયે તેના વેચાણ પર સૌથી વધુ ધ્યાન આપે છે.

20 થી 28 કિલોની કેળાની લૂમ