PhonePe રૂરલ ઈન્ડિયા પ્લાન: ગામડાઓમાં ખૂલશે રોજગારીની તકો, 20000 લોકોને મળશે નોકરી, જાણો કંપનીનો મેગા પ્લાન

PhonePe Rural India Plan: ભારતમાં ડિજિટલ પેમેન્ટનો વ્યાપ સતત વધી રહ્યો છે, ત્યારે વોલમાર્ટના સમર્થન વાળી જાણીતી ડિજિટલ પેમેન્ટ કંપની ફોનપે એ ગામડાઓ અને નાના શહેરો માટે એક બહુ મોટો પ્લાન જાહેર કર્યો છે. કંપની આગામી વર્ષે ગ્રામીણ ભારતમાં પોતાનું નેટવર્ક મજબૂત કરવા માટે મોટા પાયે ભરતી અને રોકાણ કરવા જઈ રહી છે.

20000 લોકોને મળશે નોકરી, 50 લાખ નવા ડિવાઇસ લાગશે

ફોનપેએ ગુરુવારે જાહેરાત કરી છે કે તે ભારતના નાના શહેરો અને ગામડાઓમાં પોતાના મર્ચન્ટ નેટવર્કને વિસ્તારવા માટે 20000 ઓન-રોલ સેલ્સ કર્મચારીઓની ભરતી કરશે. આ ઉપરાંત, કંપનીનો ટાર્ગેટ છે કે આગામી 12 મહિનામાં દેશભરમાં 50 લાખથી વધુ નવા પેમેન્ટ ડિવાઇસ લગાવવામાં આવે. આ ડિવાઇસમાં સ્માર્ટસ્પીકર અને POS મશીનોનો સમાવેશ થાય છે.

ખાસ વાત એ છે કે, આમાંથી અંદાજે 50% ડિવાઇસ ટિયર-6 કક્ષાના નાના કસ્બા અને ગ્રામીણ વિસ્તારોમાં લગાવવામાં આવશે, જેથી ત્યાંના વેપારીઓ પણ સરળતાથી ડિજિટલ પેમેન્ટ સ્વીકારી શકે.

MDR ચાર્જના નિર્ણય પછી કંપનીએ લીધું મોટું પગલું

તાજેતરમાં જ નેશનલ પેમેન્ટ્સ કોર્પોરેશન ઓફ ઈન્ડિયા એટલે કે NPCI દ્વારા પસંદગીના UPI મર્ચન્ટ ટ્રાન્ઝેક્શન પર 0.4% MDR ચાર્જ લગાવવાનો નિર્ણય લેવાયો છે. ફોનપેનું આ પગલું તે નિર્ણય બાદ જ લેવામાં આવ્યું છે. કંપનીનું કહેવું છે કે આ નવા ચાર્જ માળખાને કારણે તેમને નાના વિસ્તારોમાં લાંબા ગાળાનું રોકાણ કરવાની અને વેપારીઓનું નેટવર્ક વધારવાની તક મળી છે. આ રકમનો એક હિસ્સો એવા વિસ્તારોમાં વપરાશે જ્યાં ડિજિટલ પેમેન્ટ હજુ એટલું પ્રચલિત નથી.

ફોનપેનું અત્યાર સુધીનું નેટવર્ક અને લેબર કાયદાનો ફાયદો