છોડી દો US-કેનેડા જવાની જીદ! આ દેશમાં માત્ર 5 વર્ષ કામ કરી લેશો તો પણ જીવનભરનું કમાઈ લેશો

ભારતમાં મજૂરથી લઈને અધિકારી સુધીના દરેક કર્મચારીને સારી સેલરી જોઈએ છે. પરંતુ દરેકને તેમની ઈચ્છા મુજબની સેલરી મળતી નથી. જો કે વિશ્વભરના ઇમિગ્રન્ટ્સ જે ગલ્ફ દેશોમાં આવે છે તેમને સારો સેલરી મળે છે. દર વર્ષે ભારતમાંથી લોકો નોકરી અને કામ માટે દુબઈ જાય છે. ચાલો તમને જણાવીએ કે ત્યાં મજૂરોથી લઈને અધિકારીઓ સુધી દરેકને કેટલો સેલરી મળે છે.

આપને જણાવીએ કે દર વર્ષે ભારતમાંથી હજારો લોકો નોકરી માટે ખાડી દેશોમાં જાય છે. તેમાંથી સાઉદી અરેબિયા અને દુબઈ રોજગાર અને સેલરી માટે ખૂબ પોપ્યુલર છે. તમે ઘણીવાર સાંભળ્યું હશે કે કોઈ ચોક્કસ વ્યક્તિ નોકરી માટે દુબઈ ગયો અને 2-5 વર્ષમાં સારા પૈસા કમાઈને પાછો ફર્યો. તો આપના દિમાગમાં આ વિચાર આવશે કે દુબઈમાં જુદા જુદા કામ માટે આખરે કેટલો સેલરી મળે છે અને તે ભારતીય રૂપિયામાં કેટલો છે.

એક માહિતી પ્રમાણે દુબઈમાં કામદારોને આપવામાં આવતો સરેરાશ સેલરી 2000 દિરહામ જે દુબઈનું ચલણ છે. ભારતીય રૂપિયા પ્રમાણે આ સેલરી 45,000 થાય છે. તેમજ વેજસેન્ટર વેબસાઈટના અહેવાલ અનુસાર, દુબઈની સ્થાનિક વિશ્લેષક એજન્સીઓ મુજબ 2023માં યુએઈમાં મિનિમમ સેલરી 600-3000 દિરહામ પ્રતિ મહિને છે. ભારતીય રૂપિયામાં આ રકમ 13,000 રૂપિયાથી 68,000 રૂપિયા સુધીની છે. જો કે, સેલરી ધોરણ કર્મચારી અને કંપનીની લાયકાત પર આધાર રાખે છે.

જો આપ દુબઈની હોટલમાં વેઈટર તરીકે કામ કરો છો, તો તમને 10 હજાર 070 દિરહામ એટલે કે 2 લાખ રૂપિયા સુધીનો સેલરી મળી શકે છે. દુબઈમાં ડેન્ટિસ્ટને 39 હજાર 120 દિરહામ સુધીનો સેલરી મળે છે, જે ભારતીય રૂપિયામાં 8 લાખ રૂપિયાથી વધુ છે. ઈન્ટરનેશનલ હ્યુમન રિસોર્સ ઓર્ગેનાઈઝેશનના અંદાજ મુજબ, 2023માં UAEમાં સરેરાશ સેલરી 16,500 દિરહામ છે, જે ભારતીય રૂપિયામાં 3 લાખ 74 હજાર રૂપિયા છે.