LPG cylinder price: સરકારે નવા વર્ષની આપી ભેટ, LPG સિલિન્ડર થયું સસ્તું, જાણો લેટેસ્ટ રેટ

LPG cylinder price: નવા વર્ષ નિમિત્તે કેન્દ્ર સરકારે એક મોટો નિર્ણય લીધો છે. બુધવારે દિલ્હીથી મુંબઈ વચ્ચે કોમર્શિયલ ઉપયોગ માટેના 19 કિલોના LPG સિલિન્ડરના ભાવમાં 14-16 રૂપિયાનો ઘટાડો કરવામાં આવ્યો હતો. જોકે, ઘરેલું વપરાશના LPG સિલિન્ડર (14.2 કિગ્રા)ની કિંમત 803 રૂપિયા પર યથાવત છે. જાહેર ક્ષેત્રની પેટ્રોલિયમ કંપનીઓ દ્વારા જાહેર કરાયેલા નોટિફિકેશન મુજબ, હોટલ અને રેસ્ટોરન્ટ જેવી વિવિધ સંસ્થાઓમાં ઉપયોગમાં લેવાતા કોમર્શિયલ LPGની કિંમત હવે રાષ્ટ્રીય રાજધાનીમાં 19 કિલોગ્રામના સિલિન્ડર દીઠ 1804 રૂપિયા હશે, જે પહેલા 1818.50 રૂપિયા હતી.

ડિસેમ્બરમાં સિલિન્ડર મોંઘું થયું

આપને જણાવી દઈએ કે ડિસેમ્બર મહિનામાં LPG સિલિન્ડર મોંઘા થઈ ગયા હતા. સરકારી તેલ કંપનીઓએ કોમર્શિયલ LPG સિલિન્ડરના ભાવમાં વધારો કર્યો છે. ઈન્ડિયન ઓઈલ અનુસાર, 19 કિલોના LPG સિલિન્ડરની કિંમતમાં 16.50 રૂપિયાનો વધારો થયો છે. આ પહેલા પણ નવેમ્બર મહિનામાં કોમર્શિયલ LPG સિલિન્ડર મોંઘા થઈ ગયા હતા. તમને જણાવી દઈએ કે સરકારી તેલ કંપનીઓ મહિનાના પહેલા દિવસે ગેસ સિલિન્ડરની કિંમતો નક્કી કરે છે.

ATF પણ સસ્તું કરવામાં આવ્યું

એરોપ્લેનમાં વપરાતા ATFની કિંમતમાં પણ ઘટાડો કરવામાં આવ્યો છે. સરકારી ઓઈલ કંપનીઓએ 1 જાન્યુઆરીથી ઉડ્ડયન ઈંધણના ભાવમાં ઘટાડો કર્યો છે. તમને જણાવી દઈએ કે ડિસેમ્બરમાં એવિએશન ફ્યુઅલ (ATF)ની કિંમતમાં પ્રતિ કિલો લીટર 11401.37 રૂપિયાની રાહત આપવામાં આવી હતી.

આ પણ વાંચો - Mata Vaishno Devi temple: વર્ષ 2024માં કેટલા ભક્તોએ માતા વૈષ્ણો દેવીના કર્યા દર્શન, અહીં વાંચો વિગતો