વીમા પ્રીમિયમ પર GST ઝીરો, પણ ફાયદો ગાયબ! જાણો કેમ સામાન્ય માણસના ખિસ્સા પર હજુ પણ પડે છે બોજ?

GST on Health insurance: કેન્દ્ર સરકારે સામાન્ય માણસને મોટી રાહત આપવાના ઉદ્દેશ્યથી પર્સનલ લાઇફ અને હેલ્થ ઇન્શ્યોરન્સ પોલિસીના પ્રીમિયમ પર લાગતો 18% ગુડ્સ એન્ડ સર્વિસ ટેક્સ (GST) નાબૂદ કરી દીધો છે. આ નવો નિયમ 22 સપ્ટેમ્બરથી લાગુ પણ થઈ ગયો છે. સરકારના આ પગલાનો મુખ્ય હેતુ વીમાને વધુ સસ્તો અને દરેક વ્યક્તિ માટે સુલભ બનાવવાનો હતો, પરંતુ જમીની હકીકત કંઈક અલગ જ ચિત્ર રજૂ કરી રહી છે.

એક તાજેતરના સર્વે મુજબ, મોટાભાગના લોકોને સરકારની આ જાહેરાતનો કોઈ ખાસ ફાયદો મળી રહ્યો નથી. ઘણી વીમા કંપનીઓ ગ્રાહકોને GST માફીનો લાભ આપવાને બદલે જુદા જુદા બહાના હેઠળ વધુ રકમ વસૂલી રહી છે.

શું છે સરકારનો નિયમ?

GST 2.0 સુધારા હેઠળ, સરકારે સ્પષ્ટપણે જણાવ્યું હતું કે વ્યક્તિગત રીતે ખરીદવામાં આવતી તમામ લાઇફ અને હેલ્થ ઇન્શ્યોરન્સ પોલિસીઓ પર હવે 18% GST લાગશે નહીં. આનો સીધો અર્થ એ છે કે તમારું પ્રીમિયમ સસ્તું થવું જોઈએ. જોકે, આ નિયમ ગ્રુપ ઇન્શ્યોરન્સ પોલિસી પર લાગુ પડતો નથી, જે સામાન્ય રીતે કંપનીઓ તેમના કર્મચારીઓ માટે લેતી હોય છે. તેના પર પહેલાની જેમ જ 18% GST લાગુ રહેશે. સરકારનું આ પગલું ખાસ કરીને મધ્યમ વર્ગ અને પહેલીવાર વીમો ખરીદતા લોકોને પ્રોત્સાહન આપવા માટે હતું.

સર્વેમાં ચોંકાવનારા આંકડા સામે આવ્યા

સરકારના આ નિર્ણય છતાં, સોશિયલ મીડિયા અને 'લોકલ સર્કલ્સ' જેવા પ્લેટફોર્મ પર ગ્રાહકો તરફથી સતત ફરિયાદો મળી રહી છે. 18,706 લોકો પર કરવામાં આવેલા એક સર્વેમાં બહાર આવ્યું છે કે 43% લોકોને 22 સપ્ટેમ્બર પછી પોલિસી ખરીદવા કે રિન્યુ કરવા પર GST માફીનો કોઈ લાભ મળ્યો નથી.

ગ્રાહકોને કેવા અનુભવો થયા? સર્વેના પરિણામો ખૂબ જ રસપ્રદ છે: