Home Loan Eligibility: 70,000 પગાર હોય તો કેટલી મળે Home Loan? જાણો 20 વર્ષ માટે EMI અને વ્યાજનું આખું ગણિત

Home Loan Eligibility: પોતાનું ઘર હોવું એ દરેક વ્યક્તિનું સપનું હોય છે. જો તમારી માસિક આવક એટલે કે સેલેરી 70,000 છે અને તમે ઘર ખરીદવાનું વિચારી રહ્યા છો, તો મનમાં સૌથી પહેલો સવાલ એ જ આવે કે બેંક મને વધારેમાં વધારે કેટલી લોન આપશે?

કોઈપણ બેંક તમને કેટલી લોન આપશે તેનો આધાર તમારી આવક, હાલના ખર્ચાઓ, વ્યાજ દર અને તમે કેટલા વર્ષ માટે લોન લો છો તેના પર રહેલો છે. જો તમે 20 વર્ષ માટે લોન લેવા માંગતા હો, તો તમારી EMI કેટલી આવશે અને બેંક કેટલા રૂપિયા મંજૂર કરશે, ચાલો આ ગણિતને એકદમ સરળ ભાષામાં સમજીએ.

સૌથી સસ્તી હોમ લોન કઈ રીતે મળે?

જ્યારે પણ આપણે હોમ લોનની વાત કરીએ છીએ ત્યારે સૌથી મહત્વની બાબત વ્યાજ દર હોય છે. બેંક જે શરૂઆતી વ્યાજ દરે લોન આપે છે તે સૌથી સસ્તી માનવામાં આવે છે. ઉદાહરણ તરીકે, અત્યારના સમયમાં બેંક ઓફ ઈન્ડિયા (Bank of India) અને બેંક ઓફ મહારાષ્ટ્ર (Bank of Maharashtra) જેવી બેંકો 7.10 ટકાના શરૂઆતી વ્યાજ દરે હોમ લોન ઓફર કરી રહી છે.

જોકે, બેંક વ્યાજ દર નક્કી કરતી વખતે તમારી ઉંમર, આવક, અને ખાસ તો તમારો CIBIL સ્કોર તપાસે છે. એક સાદો નિયમ યાદ રાખવો કે લોન ભરપાઈ કરવાની મુદત જેટલી ઓછી હશે, તેટલું વ્યાજ તમારે ઓછું ચૂકવવું પડશે. જો લોન લાંબા ગાળાની હશે તો વ્યાજની રકમ વધી જશે.

70,000 પગાર પર ગણતરી: કેટલી લોન અને કેટલી EMI?

હવે મુખ્ય વાત પર આવીએ. જો તમારી મંથલી સેલેરી 70,000 છે અને તમારા માથે બીજી કોઈ જૂની લોન કે EMI ચાલુ નથી, તો તમને લોન મળવામાં ઘણી સરળતા રહે છે. બેંક ઓફ ઈન્ડિયાના હોમ લોન એલિજિબિલિટી કેલ્ક્યુલેટર મુજબની ગણતરી નીચે મુજબ છે: