મિનિમમ બેલેન્સ ન રાખવા બદલ કઈ બેન્ક કેટલો ચાર્જ વસૂલે છે? SBI, HDFC, ICICI, યસ બેન્ક અને PNBની સંપૂર્ણ વિગતો કરો ચેક

તાજેતરમાં એક સમાચાર આવ્યા હતા કે જાહેર ક્ષેત્રની બેન્કોએ મિનિમમ બેલેન્સ ન રાખવા બદલ તેમના કસ્ટમર્સ પાસેથી લગભગ રૂપિયા 8,495 કરોડ વસૂલ કર્યા હતા. આ સમાચારે ઘણી હેડલાઈન્સ બનાવી હતી. તમને જણાવી દઈએ કે દેશની સૌથી મોટી બેન્ક સ્ટેટ બેન્ક (SBI) છેલ્લા કેટલાક સમયથી મિનિમમ બેલેન્સ ન રાખવા માટે કોઈ ફી વસૂલતી નથી. જો કે, અન્ય ઘણી સરકારી બેન્કો આ ચાર્જ વસૂલ કરી રહી છે. પંજાબ નેશનલ બેન્કે છેલ્લા પાંચ વર્ષમાં સૌથી વધુ 1,538 કરોડ રૂપિયાની પેનલ્ટી વસૂલ કરી છે. ચાલો જાણીએ કે હાલમાં કઈ બેન્ક મિનિમમ બેલેન્સ ન રાખવા માટે શું ચાર્જ વસૂલ કરી રહી છે.

સ્ટેટ બેન્ક ઓફ ઈન્ડિયા

2020થી SBI સેવિંગ એકાઉન્ટમાં મિનિમમ બેલેન્સ ન રાખવા માટે કોઈ ચાર્જ લેવામાં આવતો નથી.

ICICI બેન્ક

આ બેન્કમાં મિનિમમ મિનિમમ બેલેન્સ 5000 રૂપિયા છે. આને જાળવવામાં નિષ્ફળતા માટે જરૂરી MABમાં 100 રૂપિયા + 5%નો દંડ લાગે છે.

HDCF બેન્ક

HDFC બેન્કમાં મેટ્રો અને શહેરોના વિસ્તારો માટે સરેરાશ માસિક બેલેન્સ રૂપિયા 10,000 છે અથવા એક વર્ષ અને એક દિવસ માટે રૂપિયા 1 લાખની FD જરૂરી છે. અર્ધ-શહેરી માટે આ નિયમ 1 વર્ષ 1 દિવસના સમયગાળા માટે રૂપિયા 5,000 અથવા રૂપિયા 50,000ની FD છે. જો તે જાળવવામાં ન આવે તો, સરેરાશ બેલેન્સમાં ઘટાડાનો 6% અથવા રૂપિયા 600 (જે ઓછું હોય તે) દંડ વસૂલવામાં આવે છે.