Income tax saving: 31મી માર્ચ પહેલા ટેક્સ સેવિંગ ઇન્વેસ્ટમેન્ટ ઓપ્શન શોધી રહ્યાં છો! આ 5 વિકલ્પ છે બેસ્ટ

Income tax saving: નાણાકીય વર્ષ 2024-25 પૂરા થવામાં આજથી (21 માર્ચ) માત્ર 11 દિવસ બાકી છે. આનો અર્થ એ પણ છે કે આ નાણાંકીય વર્ષમાં આવકવેરો બચાવવા માટે જૂની ટેક્સ સિસ્ટમ પસંદ કરનારા લોકો માટે માત્ર થોડા દિવસો જ બાકી છે. આવી સ્થિતિમાં, ટેક્સ બચાવવા માટે પગલાં લેવાનો સમય આવી ગયો છે! જો તમે તમારી કરપાત્ર જવાબદારી ઘટાડવા માટે આવકવેરા કપાત પ્રોવાઇડ કરતા ટેક્સ સેવિંગ ટુલ્સ શોધી રહ્યા છો, તો તમે કેટલાક રોકાણ ઓપ્શનો પસંદ કરી શકો છો જે તમને ટેક્સ બચાવવા માટે સક્ષમ છે.

ELSS

મ્યુચ્યુઅલ ફંડના ELSSમાં રોકાણ ટેક્સ કપાતને પાત્ર છે. ELSS 3 વર્ષના લોક-ઇન સમયગાળા સાથે આવે છે, અને આ સેગમેન્ટમાં બાકીના રોકાણો કરતાં જોખમી પણ છે, કારણ કે ELSS શેરબજાર સાથે જોડાયેલ છે. ઉજ્જિવન સ્મોલ ફાઇનાન્સ બેન્કના જણાવ્યા અનુસાર, તેમાં રોકાણ કરીને, તમે આવકવેરા કાયદાની કલમ 80C હેઠળ તમારી કુલ આવકમાંથી દર વર્ષે 1.5 લાખ રૂપિયા સુધીનો ટેક્સ કપાતનો ક્લેમ કરી શકો છો. આ કપાતનો દાવો કરવા માટે, રોકાણ 31 માર્ચ પહેલાં કરવું આવશ્યક છે.

નેશનલ પેન્શન સિસ્ટમ (NPS)

રાષ્ટ્રીય પેન્શન સિસ્ટમ એક નિવૃત્તિ બચત યોજના છે જે કલમ 80CCD હેઠળ વધારાના ટેક્સ બેનિફિટ પ્રોવાઇડ કરે છે. NPS તમને પેન્શન ફંડ બનાવવાની મંજૂરી આપે છે. NPSમાં કરવામાં આવેલ ₹50,000 સુધીના યોગદાન પર કલમ ​​80Cની મર્યાદા ₹1.50 લાખ ઉપરાંત ટેક્સ કપાતનો લાભ મળશે. તે આકર્ષક રોકાણ ઓપ્શનો પૂરા પાડતી વખતે નિવૃત્તિ માટે લાંબા ગાળાની બચતને પ્રોત્સાહન આપે છે. ટ્રેડિશનલ ટુલ્સની તુલનામાં હાઇ ગ્રોથ સંભાવના સાથે બજાર સાથે જોડાયેલા રિટર્ન પ્રોવાઇડ કરે છે. જો તમે સ્વ-રોજગાર ધરાવતા હો, તો કુલ આવકના 20% કપાત તરીકે દાવો કરી શકાય છે.

આરોગ્ય અને જીવન વીમા પ્રીમિયમ

જો તમે ઇચ્છો તો, તમે આરોગ્ય વીમો અથવા જીવન વીમો ખરીદીને પણ ટેક્સ બચાવી શકો છો. આવકવેરાની કલમ 80D હેઠળ, તમે તમારા, તમારા જીવનસાથી, બાળકો અને માતાપિતા માટે આરોગ્ય વીમા માટે ચૂકવવામાં આવેલા પ્રીમિયમ પર કપાતનો દાવો કરી શકો છો. વર્તમાન જોગવાઈઓ મુજબ, મહત્તમ કપાત ₹25,000 (અથવા વરિષ્ઠ નાગરિકો માટે ₹50,000) છે, જે આરોગ્ય અને નાણાકીય સુરક્ષાને પ્રોત્સાહન આપે છે. જીવન વીમા પૉલિસી માટે ચૂકવવામાં આવતા પ્રીમિયમ કલમ 80C હેઠળ કપાત માટે પાત્ર છે. જોકે, કર લાભ મેળવવા માટે, ખાતરી કરો કે વાર્ષિક પ્રીમિયમ વીમા રકમના 10% કરતા ઓછું હોય.