ફ્લિપકાર્ટ પર iPhone 17 Pro થયો એકદમ સસ્તો, મળી રહ્યું છે 54,000 રૂપિયાથી વધુનું મહા-ડિસ્કાઉન્ટ, જાણો ઓફર્સની સંપૂર્ણ ડિટેલ

iPhone 17 Pro Flipkart offer: જો તમે Appleનો નવો અને પ્રીમિયમ સ્માર્ટફોન ખરીદવાનું વિચારી રહ્યા છો, તો તમારા માટે એક શાનદાર તક છે. ઈ-કોમર્સ પ્લેટફોર્મ ફ્લિપકાર્ટ પર નવો iPhone 17 Pro જબરદસ્ત ડિસ્કાઉન્ટ સાથે લિસ્ટ કરવામાં આવ્યો છે. 54,000 રૂપિયાથી વધુના ડિસ્કાઉન્ટ સાથે તમે આ દમદાર ફોન ઘણી ઓછી કિંમતે ઘરે લાવી શકો છો. ચાલો સરળ ભાષામાં સમજીએ આ શાનદાર ડીલ અને કિંમતનું પૂરું ગણિત.

iPhone 17 Pro ની અસલ કિંમત શું છે?

ફ્લિપકાર્ટ પર આપેલી માહિતી અનુસાર, iPhone 17 Pro ના બેઝ વેરિઅન્ટ એટલે કે 256GB મોડલની શરૂઆતી કિંમત 1,34,900 રૂપિયા રાખવામાં આવી છે.

256GB વેરિઅન્ટ: 1,34,900 રૂપિયા

1TB વેરિઅન્ટ: 1,74,900 રૂપિયા

હાલમાં ફ્લિપકાર્ટ પર આ ફોનનો સુંદર 'ડીપ બ્લુ' કલર જોવા મળી રહ્યો છે, જોકે ગ્રાહકો માટે તેમાં અન્ય કલર ઓપ્શન્સ પણ ઉપલબ્ધ છે.

સમજો 54,000 રૂપિયાથી વધુના ડિસ્કાઉન્ટનું ગણિત

જો તમે 1,34,900 રૂપિયાની પૂરેપૂરી રકમ ચૂકવવા માંગતા નથી, તો તમે એક્સચેન્જ ઓફર અને બેન્ક કાર્ડનો ઉપયોગ કરીને હજારો રૂપિયાની બચત કરી શકો છો.

જો તમારી પાસે જૂનો Apple iPhone 15 Pro છે અને તમે તેને એક્સચેન્જ કરો છો, તો ફ્લિપકાર્ટ તમને 50,750 રૂપિયા સુધીની જંગી છૂટ આપી રહ્યું છે. જો તમને પૂરેપૂરી એક્સચેન્જ વેલ્યૂ મળી જાય, તો ફોનની કિંમત ઘટીને માત્ર 84,150 રૂપિયા થઈ જાય છે. આ ઉપરાંત, જો તમે ખરીદી કરવા માટે Flipkart Axis Bank Credit Card નો ઉપયોગ કરો છો, તો તમને વધારાનું 4,000 રૂપિયાનું ડિસ્કાઉન્ટ મળશે. જો તમારા એકાઉન્ટમાં સુપરકોઈન્સ જમા છે, તો તમે 7 સુપરકોઈન્સનો ઉપયોગ કરીને વધારાના 7 રૂપિયા બચાવી શકો છો.

આ તમામ ઓફર્સ અને ડિસ્કાઉન્ટ લાગુ કર્યા પછી, લિસ્ટિંગ પેજ પર ફોનની ફાઇનલ કિંમત ઘટીને માત્ર 80,143 રૂપિયા થઈ જાય છે.

EMI ઓપ્શન અને કાર્ડના અન્ય શાનદાર ફાયદા

જો તમે એકસાથે આટલી મોટી રકમ ચૂકવવા સક્ષમ નથી, તો ફ્લિપકાર્ટ તમને સરળ હપ્તે ફોન ખરીદવાની સુવિધા પણ આપે છે.

લિસ્ટિંગ મુજબ, તમે દર મહિને 28,801 રૂપિયાના પ્રારંભિક EMI સાથે આ ફોન ખરીદી શકો છો. આ સાથે, જો તમે Flipkart Axis Bank ક્રેડિટ કાર્ડ કઢાવો છો, તો 'ઝીરો જોઈનિંગ ફી'અને ખરીદી પર 5% કેશબેકનો લાભ પણ મળે છે.

આ પણ વાંચો-ઓટો સેક્ટરમાં સપ્ટેમ્બર મહિને મચાવી ધમાલ: હ્યુન્ડાઇની રેકોર્ડ બ્રેક સેલ્સ, મહિન્દ્રા 15% અને JSW MG મોટરમાં 19%નો ઉછાળો