Mera Bill Mera Adhikaar: આ સરકારી સ્કીમમાં 1 કરોડ રોકડ જીતવાની તક, કરવી પડશે માત્ર 200 રૂપિયાની ખરીદી

Mera Bill Mera Adhikaar: શું તમે માત્ર રૂપિયા200માં ખરીદી કરીને રૂપિયા1 કરોડ સુધીના રોકડ ઇનામ જીતવા માંગો છો? સરકાર 1લી સપ્ટેમ્બરથી 'મેરા બિલ મેરા અધિકાર' નામની GST યોજના શરૂ કરી રહી છે. આ સ્કીમ હેઠળ લોકોએ રૂપિયા 200 કે તેથી વધુની કોઈપણ ચીજવસ્તુઓ અથવા સેવાઓનું GST ઇન્વૉઇસ અપલોડ કરવું પડશે અને તેના પર રોકડ ઇનામ જીતવાની તક ઊભી કરવી પડશે. આ GST ઇન્વૉઇસ ઇન્સેન્ટિવ સ્કીમ કેન્દ્ર સરકાર દ્વારા રાજ્ય સરકારોના સહયોગથી શરૂ કરવામાં આવી છે. ઉદ્દેશ્ય કસ્ટમર્સને દરેક ખરીદી માટે બિલ/જીએસટી ઇન્વૉઇસ માગવાની આદત કેળવવાનો છે.

આ યોજના 1 સપ્ટેમ્બરથી શરૂ થશે. શરૂઆતમાં આ યોજના આસામ, ગુજરાત અને હરિયાણા રાજ્યો અને કેન્દ્રશાસિત પ્રદેશો પુડુચેરી, દાદરા નગર હવેલી અને દમણ અને દીવમાં પાયલોટ તરીકે શરૂ કરવામાં આવશે.

GST સપ્લાયર્સ (આસામ, ગુજરાત અને હરિયાણા અને કેન્દ્રશાસિત પ્રદેશ પુડુચેરી, દાદરા અને નગર હવેલી અને દમણ અને દીવમાં નોંધાયેલા) દ્વારા કસ્ટમર્સને જાહેર કરાયેલા તમામ B2C ઇન્વૉઇસ આ યોજના માટે પાત્ર હશે. ઇન્વોઇસનું મિનિમમ મૂલ્ય રૂપિયા 200 છે.

GST ઇન્વોઇસ આઇઓએસ અને એન્ડ્રોઇડ પર ઉપલબ્ધ મોબાઇલ એપ્લિકેશન 'મેરા બિલ મેરા અધિકાર' તેમજ વેબ પોર્ટલ 'web.merabill.gst.gov.in' પર અપલોડ કરી શકાય છે.