EPF માંથી પૈસા ઉપાડવાની આ ભૂલ ક્યારેય ન કરતા, નહીંતર પડશે મોટો ફટકો; જુઓ એક્સપર્ટનું આખું કેલ્ક્યુલેશન

EPF Withdrawal Rules: નોકરીયાત લોકો માટે એમ્પ્લોય પ્રોવિડન્ટ ફંડ રિટાયરમેન્ટ માટે ફંડ ભેગું કરવાનો સૌથી સુરક્ષિત અને ભરોસાપાત્ર રસ્તો છે. પરંતુ ઘણી વખત લોકો નાના-મોટા ખર્ચા કે ઈમરજન્સીના નામે પોતાના PF ખાતામાંથી અમુક પૈસા ઉપાડી લેતા હોય છે. જો તમે પણ આવું કરવાનું વિચારી રહ્યા છો, તો જરા થોભી જાવ! ફાઇનાન્શિયલ એક્સપર્ટ્સ માને છે કે યુવાનીમાં પીએફમાંથી કાઢેલી એક નાની રકમ તમારા ઘડપણના મોટા ફંડમાં મોટું ગાબડું પાડી શકે છે.

જો આપણે આંકડાની માયાજાળ સમજીએ તો, જો તમે 28 વર્ષની ઉંમરે તમારા EPF એકાઉન્ટમાંથી માત્ર 1 લાખ રૂપિયા ઉપાડો છો, તો નિવૃત્તિ સમયે તમારે અંદાજે 11.78 લાખ રૂપિયાનું સીધું નુકસાન ભોગવવું પડી શકે છે.

પીએફમાંથી પૈસા ઉપાડવા કેમ આટલા મોંઘા પડે છે?

આટલા મોટા નુકસાન પાછળનું સૌથી મોટું કારણ છે કમ્પાઉન્ડિંગ એટલે કે ચક્રવૃદ્ધિ વ્યાજની તાકાત. પીએફમાં તમારા પૈસા લાંબા સમય સુધી જમા રહે છે, જેના કારણે તેના પર મળતું વ્યાજ આવતા વર્ષે મુદ્દલમાં ઉમેરાય છે અને પછી તે વ્યાજ પર પણ વ્યાજ મળે છે.

ફિનટેક પ્લેટફોર્મ 'કસ્ટોડિયન લાઈફ' ના ફાઉન્ડર કુણાલ કાબરાના જણાવ્યા અનુસાર, 'સમય પહેલાં EPF માંથી ઉપાડેલી રકમ તમારા રિટાયરમેન્ટ ફંડ પર એક કાયમી ટેક્સ જેવી છે. તમે જેટલી નાની ઉંમરે પૈસા ઉપાડશો, નુકસાન એટલું જ મોટું થશે. કમ્પાઉન્ડિંગ ધીરજ રાખનારની સંપત્તિ વધારે છે, અને સમય પહેલાં પૈસા ઉપાડનારને મોટું નુકસાન પણ કરાવે છે.'

1 લાખ ઉપાડવાથી 11.78 લાખનો ફટકો કેવી રીતે?

હાલમાં EPFO પીએફમાં જમા રકમ પર 8.25 ટકાનું શાનદાર વાર્ષિક વ્યાજ આપી રહ્યું છે. ચાલો એક્સપર્ટના ઉદાહરણ દ્વારા સમજીએ: