PAN-Aadhaar Link :ચલણ ડાઉનલોડ કરવામાં મુશ્કેલીની ફરિયાદ પર આવકવેરા વિભાગની સ્પષ્ટતા, આ લોકોને મળી મોટી રાહત

PAN-Aadhaar Link :પાન કાર્ડને આધાર કાર્ડ સાથે લિંક કરવાની અંતિમ તારીખ પસાર થઈ ગઈ છે. આ માટે છેલ્લી તારીખ 30 જૂન 2023 નક્કી કરવામાં આવી હતી. સરકારે કહ્યું છે કે જે લોકોએ આ તારીખ સુધી લિંક નથી કર્યું તેમના પાન કાર્ડ નિષ્ક્રિય થઈ જશે. બંને કાર્ડને લિંક કરતી વખતે, ઘણા લોકોએ ફી ચૂકવ્યા પછી ચલણ ડાઉનલોડ કરવામાં મુશ્કેલીની ફરિયાદ કરી હતી. જોકે, આવકવેરા વિભાગે શુક્રવારે મોડી રાત્રે ટ્વીટ કરીને આ મામલે સ્પષ્ટતા કરી હતી.

ટેક્સ વિભાગે શું કહ્યું?

ટેક્સ વિભાગે ટ્વીટ કર્યું છે કે લોગિન પછી પોર્ટલના 'ઈ-પે ટેક્સ' ટેબમાં આધાર-પાન લિંકિંગ માટે ચલાન ચુકવણીની સ્થિતિ ચકાસી શકાય છે. આવકવેરા વિભાગે આ માહિતી તે લોકો માટે આપી છે જેમણે PAN ને આધાર સાથે લિંક કરવા માટે દંડ ચૂકવ્યો છે, સંમતિ મળી છે, પરંતુ 30 જૂન, 2023 સુધી લિંક કરવામાં આવ્યું નથી. ટેક્સ વિભાગે જણાવ્યું હતું કે PAN નિષ્ક્રિય કરતા પહેલા આવા મામલા પર વિચાર કરવામાં આવશે.