Passport New Rules: પાસપોર્ટના નિયમોમાં ફેરફાર, DigiLockerનો ઉપયોગ બન્યો જરૂરી, જાણો કેવી રીતે કરશો અરજી

Passport New Rules: જો તમે પણ પાસપોર્ટ મેળવવા માંગો છો, તો તમારા માટે એક મહત્વપૂર્ણ સમાચાર છે. સરકારે પાસપોર્ટ બનાવવાના નિયમોમાં ફેરફાર કર્યો છે. હવે પાસપોર્ટ મેળવવા માટે DigiLockerનો ઉપયોગ કરવો પડશે. હવે નવા પાસપોર્ટ માટે તમામ ડોક્યુમેન્ટ્સ ડિજી લોકર દ્વારા અપલોડ કરવાના રહેશે. અહીં અમે તમને જણાવી રહ્યા છીએ કે ડિજી લોકર શું છે અને તમે તેના દ્વારા તમારા ડોક્યુમેન્ટ્સ કેવી રીતે અપલોડ કરી શકો છો.

પાસપોર્ટ માટે ડોક્યુમેન્ટ્સની હાર્ડ કોપીની નહીં રહે જરૂર

હવે ડિજી લોકરનો ઉપયોગ થઈ શકશે

પાસપોર્ટ માટે અરજી કરવા માટે અરજદારો સરકારી પ્લેટફોર્મ DigiLockerનો ઉપયોગ કરી શકે છે. અરજદારોએ આ પ્લેટફોર્મનો ઉપયોગ કરીને જરૂરી ડોક્યુમેન્ટ્સ અપલોડ કરવાના રહેશે. તે આ કામ ડિજી લોકર દ્વારા કરી શકે છે. બધા ડોક્યુમેન્ટ્સ અપલોડ કર્યા પછી, સત્તાવાર વેબસાઇટ www.passportindia.gov.in પર પાસપોર્ટ માટે ઑનલાઇન અરજી કરો. આનાથી અરજી પ્રક્રિયા સરળ બનશે અને અરજદારોનો સમય પણ બચશે.

DigiLocker શું છે?

વાસ્તવમાં, DigiLocker એ ગ્રાહકો માટે એક ડિજિટલ લોકર છે, જે ભારતીય ઈલેક્ટ્રોનિક્સ અને ઈન્ફોર્મેશન ટેકનોલોજી મંત્રાલય દ્વારા સુવિધા આપવામાં આવે છે. આમાં, લોકો તેમના મહત્વપૂર્ણ ડોક્યુમેન્ટ્સને ઑનલાઇન સુરક્ષિત રાખી શકે છે. તમે તમારું ડ્રાઇવિંગ લાઇસન્સ, મતદાર ID, આધાર કાર્ડ, પાન કાર્ડ, માર્કશીટ વગેરેને ડિજી લોકરમાં ઓનલાઈન સુરક્ષિત રાખી શકો છો. આ એક પ્રકારની ડિજિટલ સેફ છે જેમાં તમે તમારા ડોક્યુમેન્ટ્સની સોફ્ટ કોપી રાખો છો.

DigiLocker એપ ડાઉનલોડ કરો

DigiLocker નો ઉપયોગ કરવા માટે, તમારે પહેલા Google Play Store પરથી DigiLocker એપ ડાઉનલોડ કરવી પડશે. આમાં ખાતું બનાવવા માટે આધાર કાર્ડ હોવું જરૂરી છે. DigiLockerનું લક્ષ્ય કાગળનો ઉપયોગ ઘટાડવા અને ઈ-ડોક્યુમેન્ટ્સને પ્રોત્સાહન આપવાનો છે. Digi Locker એપ દ્વારા, તમે તમારા ડેશબોર્ડમાં લોગ ઇન કરીને તમારા તમામ ડોક્યુમેન્ટ્સને સરળતાથી એક્સેસ કરી શકો છો.

ડિજિટલ લોકરનો કેવી રીતે કરશો ઉપયોગ?

સ્ટેપ 1- સૌ પ્રથમ digilocker.gov.in વેબસાઇટ પર જાઓ.

સ્ટેપ 2 - Sign up ના ઓપ્શન પર ક્લિક કરો.

સ્ટેપ 3 - આ પછી તમારું નામ, જન્મ તારીખ, ઈમેલ આઈડી, મોબાઈલ નંબર સબમિટ કરો અને પાસવર્ડ એન્ટર કરો.

સ્ટેપ 4 - આ પછી તમારા રજિસ્ટર્ડ મોબાઈલ નંબર પર એક OTP આવશે.

સ્ટેપ 5 - OTP સિવાય તમને ફિંગરપ્રિન્ટનો ઓપ્શન પણ મળશે. તમે સિક્યોરિટી માટે બેમાંથી કોઈ એકને પસંદ કરી શકો છો.

સ્ટેપ 6- આ પછી, તમે યુઝર નેમ અને પાસવર્ડ સબમિટ કરીને તમારા એકાઉન્ટમાં લોગીન કરો.

આ પણ વાંચો - Diabetes: ડાયાબિટીસના એક નહીં 15 લક્ષણ, અવગણવા પડી શકે છે ભારે